From Wikipedia, the free encyclopedia
Флоран Маноду ({француски: Florent Manaudou), (роден на 12 ноември 1990 во Вилурбан) — француски пливач кој е специјализиран за дисциплините делфин и краул. Тој е олимписки шампион на 50 м краул од Летните олимписки игри 2012 во Лондон. Неговиот татко е французин а неговата мајка е Холанѓанка, а тој е помлад брат на Лор Маноду, која е исто така олимписка златна медалистка.
| Флоран Маноду Florent Manaudou | |||||||||||||||
|---|---|---|---|---|---|---|---|---|---|---|---|---|---|---|---|
 Маноду во 2012 година. | |||||||||||||||
| Лични информации | |||||||||||||||
| Националност |  Франција | ||||||||||||||
| Роден на | 12 ноември 1990 | ||||||||||||||
| Роден во | Вилурбан, Франција | ||||||||||||||
| Висина | 1.99 м | ||||||||||||||
| Тежина | 99 килограми | ||||||||||||||
| Спорт | |||||||||||||||
| Дисциплини | Делфин, краул | ||||||||||||||
| Клуб | ПК Марсеј | ||||||||||||||
| |||||||||||||||
Тој првпат почнал да плива под раководство на неговиот постар брат, Николас Маноду, а потоа се приклучил на пливачкиот клуб во Марсеј, Франција. Во 2007 тој бил младиснки шампион на Франција во дисциплината 50 м краул. Во 2009, тој се приклучил на Француската армија и моментално е во артилериски полк.
Тој и неговата сестра Лор се првите роднини кои освоиле златен медал во пливање.
Во неговата единствена поединeчна дисциплина на Светското првенство 2011 во Шангај, на 50 м делфин, Маноду се пласирал на петтото место во финалето со време од 23.49.[1] Тоа било послабо време од времето кое го испливал во преелиминациите (23.31) и во полуфиналето (23.32).[2][3] Маноду исто така се натпреварувал и во штафетната трка на 4×100 м мешано и делницата во стилот делфин ја испливал за 54.02. Францускиот тим не се пласирал во финалето со време од 3:36.21.[4]
На Француското изборно натпреварување за ЛОИ 2012, Маноду се квалификувал за Летните олимписки игри 2012 во Лондон со пласманот на втората позиција зад Амори Лево во дисциплината 50 м краул со време од 21.95. И покрај пласманот на олимписките игри со само 10. најбрзо време на 50 м краул во 2012 година, Маноду го освоил златниот медал во единствената дисциплина на која пливал на игрите. Со тоа тој станал првиот машки освојувач на златен медал во дисциплината 50 м краул и шестиот француски олимписки шампион во поединечна дисциплина.[5] Пливајќи во седмата линија во финалето, Маноду испливал прв на целта со време од 21.34 пред Кулен Џонс и фаворитот Цезар Сиело кој бил бранител на олимпиското злато и светскиот рекорд. Маноду забележал време од 22.09 во преелиминациите и 21.80 во полуфиналето.[6][7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
