Тичино

Тичино (италијански: Ticino) е еден од кантоните во Швајцарија. Тичино е најјужниот кантон во федерацијата и единствен кантон каде само италијанскиот е службен јазик. Името на кантонот потекнува од реката Тичино. Тичино со граничи со Ури на север, Вале на запад, Граубинден на североисток и со Италија на југ. Во самиот кантон се наоѓа италијанската ексклава Кампионе д’Италиа. Тичино, заедно со делови од Граубинден, ја сочинуваат т.н. Италијанска Швајцарија.

Cantone Ticino
кантон во Швајцарија
Грб
Координати: 46°19′N 8°49′E
Главен град	Белинцона
Најголем град	Лугано
Поделба	157 општини, 8 окрузи
Управа
• Извршна	Совет на Тичино (5)
• Законодавна	Голем совет на Тичино (90)
Население (Грешка: погрешен формат за време)[1]
• Вкупно	336,943
Највисока точка	3,402 м (11,161 ст) - Адула
Најниска точка	195 м (640 ст) - Маџоре
Приклучување кон Конфедерацијата	1803
Кратенки	TI
Јазици	италијански
Мреж. место	TI.ch
Map of Тичино

Географија

Тичино се наоѓа во јужниот дел на Швајцарија и е опколен од Италија од исток, запад и југ. На север се наоѓаат швајцарските кантони Вале, Ури и Гаубинден. Тичино има вкупна површина од 2.812 км², од кои 3 четвртини се сметаат за продуктивни.^[2] Со шума е зафатена третина од територијата на кантонот. Во кантонот се наоѓаат езерата Маџоре и Лугано. Најголема река во кантонот е реката Тичино.

Административна поделба

Окрузи во Тичино.

Окрузи

Кантонот Тичино е поделен на 8 окрузи:

• Белинцона со главен град Белинцона.
• Бленио со главен град Аквароса
• Левентина со главен град Фајдо
• Локарно со главен град Локарно
• Лугано со главен град Лугано
• Мендрисио со главен град Мендрисио
• Ривиера со главен град Бјаска
• Валемаџа со главен град Севио

Општини

Кантонот е составен од 157 општини, според состојбата до 2010 година. Општините се групирани во подокрузи, а подокузите во окрузи.

Демографија

Вкупното население на кантонот, според податоците за 2010 година, е 333.753 жители. Според податоците од 2007 година, во кантонот имало 82.794 странци или 25.2% од вкупното население^[3]. Густината на население на кантонот е 114.6 лица на километар квадратен.^[2] Во 2000 година, 83.1% од населението зборувале италијански, 8.3% зборувале германски и 1.7% зборувале српскохрватски.^[2] Околу 76% од населението се Католици и 7% Протестанти.^[4] Единствен службен јазик е италијанскиот.

Култура

Во кантонот се издаваат четири дневни весници на италијански јазик: Corriere del Ticino, laRegione Ticino, Giornale del Popolo и Il Grigione Italiano.^[5]

Наводи

1. Сојузна статистичка служба на Швајцарија — STAT-TAB Ständige und Nichtständige Wohnbevölkerung nach Region, Geschlecht, Nationalität und Alter (германски)
2. Federal Department of Statistics (2008). „Regional Statistics for Ticino“. Посетено на 2008-11-23.
3. Federal Department of Statistics (2008). „Ständige Wohnbevölkerung nach Staatsangehörigkeit, Geschlecht und Kantonen“ (Microsoft Excel). Посетено на 2008-11-05.
4. Federal Department of Statistics (2004). „Wohnbevölkerung nach Religion“ (Interactive Map). Посетено на 2009-01-15.
5. „Il Grigione Italiano“. Ilgrigioneitaliano.ch. 2010-06-26. Посетено на 2012-01-28.

Користена литература

• Marcello Sorce Keller,“Canton Ticino: una identità musicale?”, Cenobio, LII(2003), April–June, pp. 171–184; also later published in Bulletin – Schweizerische Gesellschaft für Musikethnologie und Gesellschaft für die Volksmusik in der Schweiz, October 2005, pp. 30–37.

Поврзано

• Швајцарија
• Кантони во Швајцарија

Надворешни врски

„Тичино“ на Ризницата ?

• Кантон Тичино - официјално мрежно место на италијански
• Туризам во Тичино
• Панорамски слики од Тичино