Тамуз

Тамуз (хебрејски: תמוז) — десеттиот месец од граѓанскиот и четвртиот месец од верскиот еврејски календар. Ова е летен месец со 29 дена, кој се совпаѓа со јуни-јули од грегоријанскиот календар.

За други значења на поимот, погл. Тамуз (појаснување).

← сиван       тамуз (תמוז)       ав →
Златното теле Во тамуз се случил идолопоклоничкиотгрев на Златното теле, по што Мојсеј ги искршил плочките со Десетте Божји заповеди.
Реден број:	4
Денови:	29
Годишно време:	лето
Грегоријански:	јуни–јули

Името на месецот е прифатено од асирско-вавилонскиот календар, каде истиот е наречен по еден од поважните месопотамски богови — Тамуз, за кој се зборува во Езекил 8:14.^[1]

Меѓу другото, тамуз е и месец во современиот асирски календар на асирските христијани.

Празници во тамуз

17 тамуз: Седумнаесетти тамуз (Шива асар бетамуз) — жаловен пост во сеќавање на заземањето на Ерусалим од вавилонскиот цар Навуходоносор.^[2]

На други јазици

• Во Ирак и Левантот, „тамуз“ (ﻤﻮﺯ) се нарекуа месецот јули. На турски истиот се нарекува „темуз“ Temmuz, а на сириски гласи ܬܡܘܙ. Во Либан, Сирија и Палестинскиот територии, Израелско-либанската војна од 2006 г. се нарекува Харб тамуз (حرب تموز, „Јулска војна“) според арапскиот обичај да се именуваат војните со Израел по месеци од годината.

Поврзано

• Тамуз (бог)
• Седумнаесетти тамуз

Наводи

1. Езекил 8:14, Библија на македонски јазик: Стар завет, стр. 385 PDF
2. Данон, Цадик (2008). „Пости: Постот Шива асар бетамуз“. Основни поими на јудаизмот. прев. Марија Алексиќ (II. изд.). Скопје: Еврејска заедница во Република Македонија. стр. 76. ISBN 9989-102-14-7.

Надворешни врски

• Овој месец во еврејската историја (англиски)