Словењ Градец

Словењ Градец (словенечки: Slovenj Gradec) — град во Словенија. Тој е административен, стопански и културен центар на Мислинската Долина. Градот се наоѓа меѓу Похорје и Уршља Гора. Во 1989 година, генералниот секретар на ООН го прогласил за Гласник на мирот (Peace Messenger)^[1]

Поглед на градот

Историја

Демографија

Стопанство

Културноисториски знаменитости

Во центарот на градот се наоѓаат згради од 19 век, а на некои места има остатоци од средновековната тврдина. Посебно се истакнува некогашната општинска зграда во која денес се сместени Корошката галерија на ликовните уметности, Корошкиот покраински музеј и Туристичко-информативниот центар. Најстарата црква во Словењ Градец е Св. Елизабета, која во 1251 година Бертолд Андески ѝ ја посветил на својата роднина св. Елизабета Туринска. Првобитно, црквата била изградена во романски стил, а подоцна била доградувана во готски, ренесансен и барокен стил. Црквата на св. Дух од 1428 година претставува пример на готска архитектура, додека внатрешниот дел е во барокен стил. Во неа се наоѓаат фреските од 1450 година, насликани од Андреј од Отинг. Во стилот на доцната готика е и црквата Св. Панкрациј, која се наоѓа на стариот плоштад, додека црквата Св. Јулија лежи врз остатоци од археолошко наоѓалиште од 9 век.^[1]
Сокличевиот музеј располага со збирка од околу 1.500 археолошки и етнолошки предмети, собрани од некогашниот жупник Јакоб Соклич, собирач на историски и уметнички творби. Во 2011 година бил отворен музејот посветен на композиторот Хуго Волф, кој во детството живеел во Словењ Градец. Во околината на градот, во местото Селе, се наоѓаат спомен-собата на Фран Ксаверј Мешко и црквата Св. Рок. На оддалеченост од седум километри од градот се наоѓа готската тврдина Водриж, додека на оддалеченост од 10 километри се наоѓаат римските гробишта „Colatio“.^[1]

Природни знаменитости

Спорт

Во самиот центар на Словењ Градец се наоѓа спортски центар со вкупна површина од 18.770 квадратни метри, од кои покриената површина опфаќа 1.776 квадратни метри. Исто така, во рамките на спортскиот центар постои стадион, со големина од 100 х 65 метри, со атлетски патеки (осум патеки на 400 метри и шест патеки на 100 метри), како и неколку асфалтни игралишта за ракомет, кошарка и одбојка. Во близина на спортскиот центар се наоѓа летен базен, со димензии од 20 х 10 метри, како и мал базен, со димензии од 6 х 10 метри. Спортската сала во рамките на центарот, вклучува:^[1]

• Игралиште за ракомет, кошарка, две игралишта за одбојка и игралиште за мал фудбал, со димензии од 40 х 20 метри
• Сала за боречки спортови, со површина од 14 х 14 метри
• Сала за аеробик, пинг-понг итн., со површина од 21 х 14 метри
• Фитнес-центар со површина од 71 квадратни метри
• Карпа за качување, висока 12 метри и широка 4 метри

Традиционални приредби

Во Словењ Градец се организираат поголем број саеми, фестивали и свечености, како:^[1]

• 19 март - Јожефов саем
• 27 април - Поход до Партизанскиот дом
• април и мај - биенална изложба на домашни и уметнички занаети
• 12 мај - Панкрациев саем
• јуни - средновековен ден во Словењ Градец
• јули и август - летен фестивал
• август - фестивал на народна и забавна музика „Грашка гора пее и игра“
• септември - приредби по повод општинскиот празник
• септември - велосипедска тура околу Уршља Гора
• септември - етнолошка приредба „Средби во Земјата на џуџињата“
• 27 септември - приредба по повод Светскиот ден на туризмот
• октомври - Трка на мирот
• октомври - Фестивал по повод Денот на ООН
• 17 ноември - Елизабетин саем
• декември - Божиќно-новогодишен саем
• 31 декември - Новогодишна прослава

Познати личности

Од Словењ Градец потекнуваат или во него живееле повеќе познати личности, како:^[1]

• композиторот Хуго Волф (Hugo Wolf)
• вајарот Фран Бернекер (Fran Berneker)
• сликарот Јоже Тисникар (Jože Tisnikar)
• сликарот Карел Печко (Karel Pečko)
• сликарот Богдан Борчич (Bogdan Borčič)
• сликарот Франц Бертолд (Franc Berhtold)
• писателот Фран Ксавер Мешко (Ksaver Meško)
• писателот Љуба Пренер (Ljuba Prenner)

Наводи

1. „Dobrodošli v Slovenj Gradcu - mestu glasnik miru“. Javni zavod za turizem i šport SPOTUR Slovenj Gradec, 2011.