Систинска капела
капела во апостолската палата, официјална резиденција на папата во Ватикан From Wikipedia, the free encyclopedia
Систинската капела (италијански: Cappella Sistina) или Сикстинска капела (латински: Sacellum Sixtinum) — најпозната капела во Апостолскиот дворец, официјалната резиденција на папата во Ватикан. Нејзината слава доаѓа пред сѐ од внатрешната декорација со фрески од Микеланџело, Рафаел, Бернини и Ботичели, како и од фактот што во неа се одржуваат конклавите - кардиналски собори за избор на нов папа. Капелата го носи името според папата Сикст IV кој ја реставрирал „Големата капела“, како што претходно се нарекувала, помеѓу 1477 и 1480 година. Капелата ја осветил Сикст IV на 15 август 1483 и ја посветил на Успението на Пресвета Богородица.[3]
| |
|---|---|
 Систинска капела | |
| Грешка во Lua во Модул:Location_map, ред 411: Malformed coordinates value | |
| Основни податоци | |
| Место | Ватикан |
| Координати | 41°54′11″N 012°27′16″E |
| Припадност | Римокатоличка црква |
| Епархија | Римокатоличка епископија |
| Осветен | 15 август 1483 |
| Водство | папа |
| Мреж. место | mv.vatican.va |
| Архитектонски опис | |
| Архитект(и) | Бацио Понтели, Џовани де Долчи.[1] |
| Архитектонски тип | црква |
| Поставен темел | 1473[1] |
| Завршен | 1481[1] |
| Особености | |
| Должина | 40.9 метарs (134 ст) |
| Ширина (кораб) | 13.4 метарs (44 ст) |
| Висина (најг.) | 20.7 метарs (68 ст) |
| Службен назив: Ватикан | |
| Тип | Cultural |
| Услови | i, ii, iv, vi |
| Прогласен | 1984[2] |
| Број | 286 |
| State Party |  Света столица |
| Регион | Европа и Северна Америка |
Денес Систинската капела е дел од разгледувањето на Ватиканските музеи и може да се посети кога во неа не се одржуваат служби.
Sидовите биле фрескоживописани од неколку уметници уште пред осветувањето: Пјетро Перуџино, Сандро Ботичели и Доменико Гирландајо помеѓу 1482 и 1483 година.
Потоа, помеѓу 1508 и 1512, под спонзорство на папата Јулиј II, Микеланџело насликал 1.100м² фрески на таванот на капелата. Микеланџело го презирал овој проект, и сметал дека служи само за да се задоволи грандоманијата на папата. Сепак, денес се смета дека таванот на Систинската капела е круна на неговата уметност.
Микеланџело повторно бил ангажиран од папата Климент VII во 1534 - 1541 за да го наслика олтарниот ѕид на капелата. Тој таму го насликал „Страшниот суд“, дело кое своевремено, па и денес, предизвикува контроверзи поради видните луѓе кои уметникот ги сместил во пеколот, како и поради голотијата на фигурите непримерена за христијанскиот морал.[4] Тоа е импозантно и драматично уметничко дело, го зафаќа целиот олтарен ѕид на капелата, со димензии од околу 13,7 х 12 метри. Микеланџело го оставил и својот автопортрет на сликата, во ликот на Св. Вартоломеј кој ја носи својата одрана кожа. (Според преданието, Св. Апостол Вартоломеј бил измачуван заради верата, жив одран и распнат на крст. )
Фреските во капелата биле целосно реставрирани во периодот 1984 - 1994 година, по што на виделина излегле со сиот свој сјај и живост на боите.
Систинската капела однадвор, во комплексот на музеите.
Папата Сикст IV по кого капелата го носи името.
Сцена од Страшниот суд-Св. Вартоломеј со лик на Микеланџело.
Една фреска пред и по реставрацијата во 1994.
Исус му ги предава клучевите од рајот на Св. Петар (Перуџино).
Детал од фреска (Ботичели).
Господ му вдахнува живот на Адам. Детал од фреска (Микеланџело).
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
