град во Охридско, Горичка област, Албанија From Wikipedia, the free encyclopedia
Поградец или Подградец (албански: Pogradec) — град и седиште на истоимената општина од Горичката област во денешна југоисточна Албанија. Сместен е на југозападниот брег на Охридското Езеро, во историско-географската област Мокра. Се наоѓа југоисточно од Елбасан, југозападно од Охрид (Р Македонија) и западно од Лерин (Егејска Македонија) и северно од градот Горица (Корча). Градот е наречен по древната тврдина (денес наречена Поградечка тврдина) која се издигала на планинските падини над него (оттаму и „под-градец“).
Поградец Pogradec | ||
---|---|---|
општина | ||
![]() Поглед на Поградец | ||
| ||
Координати: 40°54′0″N 20°39′0″E | ||
Земја | ![]() | |
Област | Горица | |
Управа | ||
• Градоначалник | Едуард Капри (ПД) | |
Површина | ||
• општина | 594,77 км2 (22,964 ми2) | |
Надм. вис. | м | 697|
Население (2011) | ||
• општина | 61.530 | |
• општина густина | 1,0/км2 (2,7/ми2) | |
• општинска единица | 20.848 | |
Час. појас | CET (UTC+1) | |
• Лето (ЛСВ) | CEST (UTC+2) | |
Пошт. бр. | 7301-7303 | |
Повик. бр. | (0)83 | |
Рег. таб. | AL | |
Мреж. место | bashkiapogradec.al |
Во градот и околните села и денес живее македонско население, од кои се издвојуваат три кои и денес јасно задржале етничкиот карактер и својата варијанта на охридскиот говор. Ова некогаш бил чисто македонски крај, што е очигледно од називите на населените места во општината (подолу). Иако денес има албанско мнозинство, половината жители се православни, а половината се муслимани. Ова укажува дека целокупното поградечко подрачје подлегнало на процес на албанизација на македонското население во не така далечното минато.
Денешната Општина Поградец (Bashkia Pogradec) е создадена со управната реформа од 2015 г. кога се споени дотогашните општини Старово, Черава, Берагожда, Поградец, Проптишта, Требиње, Одуништа и Велчани, кои денес имаат статус на составни општински единици.[1] Опфаќа 73 населени места распоредени во 8 општински единици. Имаат вкупно население од 61.530 жители (2011) и површина од 594,77 км2.[2] Според тој попис, тогашната помала општина Поградец броела 20.848 жители.[3] Самиот град Поградец зазема 15 км2.
Општинската единица Берагожда опфаќа 9 населени места со вкупно 2.182 жители (2011).[3] Нејзино седиште е селото Берагожда (Dardhas).
Општинската единица Велчани опфаќа 8 населени места со вкупно 2.548 жители (2011).[3] Нејзино седиште е селото Велчани (Velçan).
Општинската единица Одуништа опфаќа 6 населени места со вкупно 5.990 жители (2011).[3] Нејзино седиште е селото Одуништа (Udënisht).
Општинската единица Поградец се состои само од градот Поградец (Pogradec), кој брои 20.848 жители (2011).[3]
Општинската единица Проптишта опфаќа 15 населени места со вкупно 4.785 жители (2011).[3] Нејзино седиште е селото Проптишта (Proptisht).
Општинската единица Старово опфаќа 8 населени места со вкупно 15.687 жители (2011).[3] Нејзино седиште е селото Старово (Buçimas).
Општинската единица Требиње опфаќа 15 населени места со вкупно 2.481 жител (2011).[3] Нејзино седиште е селото Требиње (Trebinjë).
Општинската единица Черава опфаќа 11 населени места со вкупно 7.009 жители (2011).[3] Нејзино седиште е селото Черава (Çërravë).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.