From Wikipedia, the free encyclopedia
Патката ластовичарка[1] (Anas acuta) е широко распространета патка која се размножува во северните подрачја на Европа, Азија и Северна Америка. Станува збор за птица преселница која презимува на југ, сè до екваторот. Необично за вид со вакво распространување, таа нема подвидови (ако Anas eatoni се вброи како посебен вид).
| Патка ластовичарка | |
|---|---|
_I_IMG_0911.jpg) | |
| Мажјак (лево) и женка (десно). | |
colspan=2 style="text-align: center; background-color:
| |
| Царство: | Животни |
| Колено: | Хордати |
| Класа: | Птици |
| Ред: | Гусковидни |
| Семејство: | Anatidae |
| Род: | Anas |
| Вид: | A. acuta |
colspan=2 style="text-align: center; background-color:
| |
| Anas acuta (Linnaeus, 1758) | |
 | |
| светлозелено - гнездење сино - презимување | |
Ова е прилично голема патка, со долг зашилен опаш, сличен на опашот на ластовицата, по што и го добила името „ластовичарка“. Мажјакот е со упадливо кафеава, сива и бела боја, а женката е најмногу со светлокафеава боја со пократок опаш. Мажјакот се огласува со специфично свиркање („фјур, фјур“), а женката квака како и дивата патка.
Двата пола стануваат полово зрели по првата година од животот. Мажјакот се додворува на женката пливајќи блиску до неа со спуштена глава и подигнат опаш, свиркајќи. Ако има група од мажјаци, ќе ја бркаат женката и ќе летаат сè додека не остане само еден од нив. Женката се подготвува за парење спуштајќи го телото. По парењето, мажјакот ја кренува главата и свирка.
Размножувањето се одвива во текот на април и јуни. Гнездото го градат на земјата, скриено во растителноста и подалеку од водата. Женката снесува седум до девет јајца во крем боја, и тоа по едно на секој ден. Женката сама ги инкубира јајцата во текот на 22 до 24 денови. Кога ќе се родат пилињата, женката ги носи до водата, каде се исхрануваат со инсекти од водната површина.
Околу ¾ од птиците го преживуваат овој период, но не повеќе од половина од нив живее толку долго за да почнат да се размножуваат. Најдолга забележана должина на живот е 27 години, но оваа возраст ја достигнуваат само мал број птици.
Патката ластовичарка се храни со водни растенија навечер и ноќе, а поголем дел од денот го поминува одмарајќи се. Долгиот врат и овозможува да собере храна 30 cm од под површината на водата. Зиме јаде најмногу водни растенија, но понекогап се храни со корења и семиња во полињата. За време на сезоната на парење главно јаде без‘рбетници.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
