Орман Чифлик (Пиринско)
From Wikipedia, the free encyclopedia
Орман Чифлик — село во Светиврачко, Пиринска Македонија, денес во општината Свети Врач на Благоевградската област, југозападна Бугарија.
| Орман Чифлик Дамяница | |
|---|---|
  Орман Чифлик | |
|
Местоположба во областа   Орман Чифлик | |
| Координати: 41°31′N 23°16′E | |
| Земја | Бугарија |
| Област | Благоевградска област |
| Општина | Свети Врач |
| Површина | |
| • Вкупна | 5.329 км2 (2,058 ми2) |
| Надм. вис. | 116 м |
| Население (2015) | |
| • Вкупно | 1.325 |
| • Густина | 0,25/км2 (0,64/ми2) |
| Час. појас | EET (UTC+2) |
| • Лето (ЛСВ) | EEST (UTC+3) |
| Пошт. бр. | 2800 |
| Повик. бр. | 0746 |
Селото Орман Чифлик се наоѓа на 8 километри јужно од Свети Врач. Селото се наоѓа на надморска висина од 116 метри. Атарот на селото зафаќа површина од 5329 км2. Селото има исклучителна добра географска местололожба. Се наоѓа во долината на река Струма. Оваа близина со реката на селото му гарантира клима со средоземно влијание. Селото е опколено со планината Огражден на запад, Пирин од исток и Беласица од југ.
Османлиско Царство
Во текот на XIX век, селото било чисто македонско и припаѓало кон Мелничката каза. Во „Етнографија на Адријанопол, Монастир и Салоника“ се вели дека во 1873 г. Орман (Orman) е село со 24 семејства и 50 жители Македонци[1][2]. Според статистиката на Васил К’нчов („Македонија. Етнографија и статистика“) во 1900 година селото имало 135 жители, сите Македонци[1][3].
Бугарија
По крајот на Балканските војни, селото било вклучено во составот на Бугарија. До 1934 година името на селото е Орман Чифлик.[4] Новото име е дадено во чест на Даме Груев.
Во селото Дамјаница околу 1/3 од населението се занимава со земјоделство, и сите тие имаат мали фарми (приоритет е производството на зеленчук на стаклена градина). Исто така, постојат неколку големи економски структури во селото, како што се Винаријата „Дамјанница“, „Бетон“ ЕООД и цементниот терминал „Девна цимент“ АД. Исто така, постои мала работилница за столарија и неколку мали фирми за кроење.
| Година | 1934 | 1946 | 1956 | 1965 | 1975 | 1985 | 1992 | 2001 | 2011 | 2015 |
|---|---|---|---|---|---|---|---|---|---|---|
| Жители | 408 | 594 | 667 | 1112 | 1195 | 1371 | 1385 | 1369 | 1312 | 1325 |
| Националност | Население | Процент |
|---|---|---|
| Бугари | 1180 | 91,19% |
| Роми | 105 | 8,11% |
| Останати | 5 | 0,39% |
| Вкупно | 1294 |
 |
Во основното училиште „Св. Кирил и Методи“ во 2003 година бил ставен почеток на историската збирка од предмети сврзани со минатото на селото.
Главната религија во селото е Источното православие. По втората половина на 90-тите, евангелизмот бил многу активен, особено помеѓу ромското население. Денес, во селото има два христијански храма, еден православен и еден евангелски.
За време на изградбата на автопатот Струма, околу селото била откриена праисториска населба со уникатни наоди[8]. Најистакната природна форма е т.н. Левунска чука (Стената). Тоа претставува вулканско возвишение, формирано од ерупција на вулканот Кожух пред илјадници години. Неговата висина е 248 метри, а обемот е околу 3 километри. Во близина на врвот на ридот има 2 природни пештери со длабочина од само неколку метри. Според народните приказни, легендарниот херој Крали Марко се криел во една од пештерите. Ова е исто така причината поради која оваа пештера од мештаните е позната како Маркова дупка.
Во селото има градинка каде децата се поделени во три групи: јасли; градинка и предучилишна градинка. Библиотеката поседува 5192 тома литература. Бугарска пошта (со канцеларија на MoneyGram) исто така има свое претставништво во селото. Исто така има и лекар, стоматолог, фитнес сала, каса за Easypay, неколку десетици мали семејни продавници.
ОУ „Свети Кирил и Методиј“, со својата историја и традиција, станало привлечен центар за зачувување на бугарштината не само во селото, туку и во регионот. Првото училиште во селото Орман Чифлик (преименувано во Дамјанница во 1934 година) било отворено во 1919 година. Тоа е едно од најстарите училишта во регионот Пирин. Илјадници училници поминале низ училиштетп и со себе го пренеле споменот на училиштето и гордоста да бидат следбеници на училиште со богата историја.
Денес, 219 ученици учат во една убава и пространа зграда под раководство на 18 наставници и воспитувачи. Со своите квалификации и професионалните квалитети, со чувството за одговорност, тие ги решаваат задачите доделени во образованието на децата. Училиштето е централно - автобускиот превоз е предвиден да ги одведе и донесе учениците од соседните села. Училиштето располага со добро опремени простории за хемија, биологија, физика и прекрасни затворени спортски објекти и спортски терени на отворено за одбојка, кошарка, ракомет, игралиште за мини фудбал и многу добро одржувана библиотека со богат фонд на книги, голема збирка од историјата за селото и околината. Гордост на училиштето е теренскиот хокеарски тим кој е меѓу најдобрите. Ученичкиот ракомет исто така имал успех на училиштето. Училиштето учествува во проект во рамките на Секторската програма „Коменски“-„ Учење во текот на целиот живот“ според оваа програма учениците и нивните наставници патувваат за Москва, Шпанија и Полска, Турција и Белгија. Училиштето има богата библиотека од над 3000 книги. Тие го слават празникот на писмото, денот на водата и учествуваат во добротворна кампања за доброто на болното дете (со правење и продажба на карти и собирање скоро 6000 лева помош од ученици и наставници за само еден месец).
Селото има фудбалски клуб, кој се вика ФК Локомотив Дамјаница. Екипата насрапува во Аматерската фудбалска лига.
Празник на селото е 15 август, односно празникот Успение на Пресвета Богородица.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
