Леон Купер

Леон Купер^[1] (англиски: Leon N Cooper; 28 февруари 1930 - 23 октомври 2024 ) — американски физичар и Нобелов лауерат, кој заедно со Џон Бардин и Џон Роберт Шрифер ја развиле БЦС-теоријата за суперспроводливост. Тој исто така го именувал Куперовиот пар и придонел за развитокот на БЦМ-теоријата за синаптичката еластичност.

Леон Купер
Купер во 2007 г.
Роден(а)	28 февруари 1930(1930-02-28) Њујорк, САД
Починал(а)	23 октомври 2024(2024-10-23) (возр. 94) Провиденс, Род Ајленд, САД
Живеалиште	Соединети Американски Држави
Националност	Американец
Полиња	Физика
Установи	Браунов универзитет
Образование	Колумбиски универзитет
Докторски ментор	Роберт Сербер
Докторанди	Ели Бјененсток Пол Мунро Натан Интратор Омер Артун Мајкл Перон Алан Саул
Познат по	Суперспроводливост Купер парови
Поважни награди	Нобелова награда за физика (1972) Комстокова награда за физика (1968)

Биографија и кариера

Професорот Купер, кој е роден во Њујорк, во родниот град го завршува целото свое образование, вклучувајќи го и докторатот на престижниот Универзитет Колумбија во 1954 година.

Купер дипломирал во Средното училиште за науки во Бронкс во 1947^[2][3] и добил диплома за уметности во 1951,^[4] магистрирал во 1953,^[4] и станал доктор по филозофија во 1954 на Колумбискиот универзитет.^[4][5] Поминал една година во Институтот за напредни студии и предавал во Илиноискиот универзитет и Охајскиот државен универзитет пред да дојде во Брауновиот универзитет во 1958.^[5] Моментално е Томас Џ. Вотсон професор по наука на Универзитетот Браун.

Работел на истражувања на реномирани институции низ целиот свет, меѓу кои Институтот за напредни студии, Универзитетот во Илиноис, Универзитетот во Охајо, како и Европската организација за јадрени истражувања (ЦЕРН).

Ликот Шелдон Купер, кој игра во комедијата Бубалици на Си-Би-Ес, делумно е именуван по Леон Купер^[6]

Членства и признанија

• Пријател на Американското друштво на физичари
• Пријател на Американската Академија на науките и уметностите
• Член е на Американската Академија на Науките
• Член е на Американското филозофско друштво
• Член е на Американското здружение за напредок во науката
• Член е на Програмот за истражување на невронауки
• Дел од вопоставување на истражувањето на Алфред П. Слоун (1959–1966)
• Пријател на Институтот Гугенхајм (1965–66)
• Добитник на Нобелова награда за физика (1972)^[4]
• Победник (заедно со Џон Роберт Шрифер на Комстоковата награда за физика на Националната академија за науки (1968)^[7]
• Добитник на Џон Џејова награда на Колумбискиот колеџ (1985)^[4]
• Добитник на седум почесни докторати^[4]

Објавени дела

Купер е автор на Science and Human Experience - колекција од есеи, вклучувајќи претходно необјавени материјали, на теми како свеста и структурата на универзумот. (Универзитетски печат на Кембриџ, 2014).

Купер е автор на неконвенцијалната либерално-уметничка книга по физика, оригинално: An Introduction to the Meaning and Structure of Physics („Запознавање со значењето и структурата на физиката“)

• Cooper, L. N. & J. Rainwater. "Theory of Multiple Coulomb Scattering from Extended Nuclei", Nevis Cyclotron Laboratories at Columbia University, Office of Naval Research (ONR), United States Department of Energy (through predecessor agency the Atomic Energy Commission), (August 1954).
• Cooper, L. N., Lee, H. J., Schwartz, B. B. & W. Silvert. "Theory of the Knight Shift and Flux Quantization in Superconductors", Brown University, United States Department of Energy (through predecessor agency the Atomic Energy Commission), (May 1962).
• Cooper, L. N. & Feldman, D. "BCS: 50 years" Архивирано на 19 мај 2012 г., Brown University, (November 2010).

Наводи

1. Многу печатени материјали, вклучувајќи го и мрежното место за нобелови награди, го претставуваат Купер како “Leon Neil Cooper” („Леон Нил Купер“). Сеедно, средниот иницијал N(Н) не значи „Нил“, или многу други имиња. Точната форма на името е “Leon N Cooper” („Леон Н Купер“), без првични точки.
2. „Bronx Science Honored as Historic Physics Site by the American Physical Society“. bxscience.edu. Посетено на 27 July 2012.
3. MacDonald, Kerri (15 October 2010). „A Nobel Laureate Returns Home to Bronx Science“. The New York Times. Посетено на 27 July 2012.
4. „Leon Cooper“. research.brown.edu. Посетено на 27 July 2012.
5. Vanderkam, Laura (15 July 2008). „From Biology to Physics and Back Again: Leon Cooper“. Scientific American. Посетено на 27 July 2012.
6. The Big Bang Theory, la fórmula perfecta del humor
7. „Comstock Prize in Physics“. National Academy of Sciences.

Надворешни врски

• Biography and Bibliographic Resources, from the Office of Scientific and Technical Information, United States Department of Energy
• Leon Neil Cooper Архивирано на 16 март 2006 г.
• Brown University researcher profile
• Brown University Physics Department profile
• Critical Review evaluations^{[мртва врска]} of Professor Cooper
• Леон Купер — Проект „Математичко родословие“ (англиски)