Копачин Дол

Копачин Дол (албански: Kopaçindolli; Копачиндоли, локално Kapizhdoll; Капиждол) — село во Општина Желино, во околината на градот Тетово. Според пописот од 2002 година, селото имало население од 907 жители.

Копачин Дол
Копачин Дол Местоположба на Копачин Дол во Македонија Копачин Дол на карта
Координати 41°57′33″N 21°8′18″E
Општина	Желино
Население	818 жит. (поп. 2021)[1]
Шифра на КО	28038
Надм. вис.	657 м. м
Копачин Дол на општинската карта Атарот на Копачин Дол во рамките на општината
Копачин Дол на Ризницата

Географија и местоположба

Селото се наоѓа во областа Долни Полог, сместено по горниот тек на реката Суводолица во северните склонови на планината Сува Гора. Селото е во близина на автопатот Тетово-Скопје и во близина на селото се Групчин, Чифлик и Ново Село.

Историја

Според податоците на бугарскиот етнограф Васил К’нчов, селото во 1900 година имало население од 166 муслимани (Албанци).^[2] Рускиот публицист Афанасиј Селишчев во 1929 година забележал дека селото било дел од Општина Групчин и имало 36 куќи со 237 жители Албанци.^[3]

Население

Население во минатото

Година Нас. ±% 1948 391 —     1953 428 +9.5% 1961 468 +9.3% 1971 600 +28.2% 1981 715 +19.2%	Година Нас. ±% 1991 0 −100.0% 1994 852 —     2002 907 +6.5% 2021 818 −9.8%

По Балканските војни е забележано со 224 жители.^[4]

Според германска карта издадена во 1941 година, а заснована на пописот на Кралство Југославија во 1931 година, селото имало 250 Албанци.^[5]

Според пописот на населението на Македонија од 2002 година, селото има 907 жители, од кои 898 Албанци и 9 останати.^[6]

Според последниот попис од 2021 година, во селото живееле 818 жители, од кои 753 Албанци, 1 останат и 64 лица без податоци.^[7]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	166	—	391	428	468	600	715	0	852	907	818

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Родови

Копачин Дол е албанско село.

Според истражувањата од 1940-тите родови во селото се: Стогодин (10 к.) поалбанчени Македонци. Они се староседелци во селото; Раман (16 к.), Сирчек (18 к.), Русталар (5 к.), Качер (1 к.) и Ајредин (1 к.) сите доселени од Албанија.^[12]

Самоуправа и политика

Избирачко место

Во селото постои избирачкото место бр. 2096 според Државната изборна комисија, сместени во просториите на основното училиште.^[13]

На претседателските избори во 2019 година, на ова избирачко место биле запишани вкупно 931 гласач.^[14]

Личности

• Раметула Амети (1962 - 2001) - терорист, борец на ОНА;^[15]

Поврзано

• Полог
• Општина Желино
• Тетово

Наводи

1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
2. Кънчов, Васил. Македония. Етнография и статистика, София, 1900, стр. 212.
3. Селищев, Афанасий. Полог и его болгарское население. Исторические, этнографические и диалектологические очерки северо-западной Македонии, София, 1929, стр. 24.
4. Речник места у Ослобођеној области Старе Србије. Белград. 1914. стр. 140.
5. „200K Volkstumskarte Jugoslawien“.
6. Попис на населението, домаќинствата и становите во Република Македонија, 2002 - Книга X
7. „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
8. К’нчов, Васил. „Македонија. Етнографија и статистика“. Софија, 1900
9. Brancoff, D.M. „La Macédoine et sa Population Chrétienne“. Paris, 1905.
10. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
11. „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
12. Трифуноски, Јован (1954). Скопски Дервен. Белград: Српски етнографски зборник.
13. „Описи на ИМ“. Архивирано од изворникот на 2023-08-17. Посетено на 3 ноември 2019.
14. „Претседателски избори 2019“. Архивирано од изворникот на 2019-12-29. Посетено на 3 ноември 2019.
15. „Албанците ја одбележуваат годишнината на загинатите припадници на ОВК“. Утрински Весник. 2003. Архивирано од изворникот на 2016-03-05. Посетено на 2012-08-31.

Надворешни врски

• Сателитска снимка на Копачин Дол на Карти на Гугл