Коле Ангеловски

Никола „Коле" Ангеловски (р. 14 март 1943 ) — македонски театарски и филмски глумец, театарски и филмски режисер и сценарист, како и писател и раскажувач. Животниот и творечки опус на Коле Ангеловски е разновиден, динамичен и многу плоден. Ангеловски е режисер на повеќе драми, серии, документарци и филмови за македонските театарски куќи, телевизиски станици од кои најмногу за МРТВ. Тој е уште познат и како писател, драматург, публицист и културен работник. За својот сестран творечки опус на полето на културното живеење во Македонија, добитник е на многубројни награди меѓу кои и Наградата за Животно дело “11 Октомври”.

Коле Ангеловски
Роден(а)	14 март 1943(1943-03-14) (81 г.) Скопје, Македонија
Националност	Македонец
Активен период	1962 - денес
Познат(а) по	по режијата на: Викенд на мртовци Солунски патрдии Колнати сме, Ирина Пусто турско Ах, љубов моја
Роднини	Владимир Ангеловски (брат)

Животописни податоци

Коле Ангеловски (десно), 2023 год.

Коле Ангеловски е роден на 14 март 1943 година во Скопје. По средното образование, дипломирал глума на Академијата за театар, филм, радио и телевизија во Белград. Коле Ангеловски уште во раното детство — како ученик во основното, а подоцна и во средното образование покажувал интерес и талент кон уметноста, а посебно кон драмската уметност. Поши

Како глумец, уште во првата улога во филмот “Саша”, Ангеловски го зацртил типот на јунак претпознатлив во речиси сите негови улоги — било да станува збор за теми од современиот живот — “Lito Vilovito” и “Да се дојде и да се остане” — или пак теми од блиската или подалечната историја — “До победата и по неа” и “Македонски дел од пеколот”

Ангеловски е еден од преживеаните сведоци на големиот Скопски земјотрес на од 1963 година. Како глумец првпат пред филмската камера застанал веднаш по земјотресот во детската драма “Диди и Дади” каде со децата глумци, брат му Владимир Ангеловски, Мите Грозданов и повозрасните Стево Спасовски и други ја толкувале една од главните улоги во таа детска серија.

Одреден период бил новинар за весникот Нова Македонија, каде имал интервјуа со познати Југословенски глумци и режисери.

Добитник е на многу награди како глумец, режисер, истакнат културен работник, драматург, преведувач и др. Ангеловски е добитник и на Највисоката Македонска награда во Културата “Наградата за животно дело 11. Октомври”. Оваа награда се доделува на културни и други работници од Македонија кои имаат постигнато врвни резултати во својата дејност.

Од 1967 година, до неговото пензионирање во 2008 година, работи во Драмскиот Театар во Скопје. Има напишано неколку драми, филмови и ТВ скрипти. Има режирано над 130 претстави, од кои повеќето се наградени на различни фестивали. Тој има играно над 30 театарски и над 40 филмски улоги. Како режисер, во театрите низ Македонија има режирано над 130 претстави, од кои 34 во Драмски театар - Скопје, 22 во Народен театар Војдан Чернодрински, потоа Народен театар "Антон Панов" Струмица, Македонски народен театар, Турски театар - Скопје, Театарот за деца и младинци, Театар Комедија и други театри низ Македонија.

Има преведено над триесет драми на Македонски. Ангеловски има над 500 часа разна телевизиска програма, главно улоги.

На филмската сцена, како глумец, дебитирла уште како студент во 1962 година, во југословенскиот филм Саша на режисерот Раденко Остоиќ и ја добил дебитантската награда на Филмскиот фестивал во Пула (1963), а 1965 година на истиот фестивал и наградата најдобар млад глумец, за улогата во филмот “Да се дојде и да се остане” на режисерот Бранко Бауер.

Ангеловски има режирано два играни филма. За својот режисерски првенец “Татко” (“Колнати сме Ирина” – 1973) ја добил престижната Награда “Кокањ Ракоњац” на филмскиот фестивал во Пула. Автор е и на втората филмска комедија во македонската кинематографија по “Мирно лето” на Д. Османли, “Викенд на мртовци”, за којшто ја добива Наградата “Златна рипка” за режија, на Фестивалот на филмска комедија во Голубац, Република Србија. На истиот фестивал добива и Трета награда од публиката.

Кариера

Филмската дејност на Коле Ангеловски е импозантна. Така, во 1966 година во филмот „До победата и по неа” игра споредна улога. Една година подоцна, во 1967, ја игра и главната улога во „Македонска крвава свадба”. Истата година тој е сценарист во филмот „Патека”. Во 1969 година игра споредна улога во филмот „Време без војна”. Во 1971 година игра главна улога во филмовите „Жед” и „Македонски дел од пеколот”. Во 1973 година тој е режисер и сценарист во филмот „Татко (Колнати сме, Ирина)”. Во 1979 година тој го режира филмот „Додека водата тивко шумоли”. Игра главни улоги во филмовите: „Оловна бригада” (1980), „Црвениот коњ” (1981), „Јужна патека” (1982), „Нели ти реков” (1984). Во 1986 година ја режира серијата Солунски патрдии. Во 1988 година тој е режисер на филмот „Викенд на мртовци”.

Филмографија

Коле Ангеловски како глумец има играно во следните филмови:

Година	филм	Улога
1962	Саша ТВ-филм	Владо Треф
1963	Диди и Дади ТВ-филм
1964	Попладне ТВ-филм
1964	Народен посланик ТВ-филм	Младен
1964	Кај сидија за прекршување ТВ-филм
1965	Да се дојде и да се остане ТВ-филм	Гаса
1965	Седма тура ТВ-филм
1965	Три ТВ-филм	Патник кој чека воз
1965	Човек од светот ТВ-филм	Никола
1966	По Коњух планина ТВ-филм	Пушо
1966	Време љубов ТВ-филм
1966	До победата и по неа ТВ-филм	Боро
1966	Среќни умираат двапати ТВ-филм	Радолица
1967	Македонска крвава свадба ТВ-филм
1967	Патека ТВ-филм
1967	Тврдина на силеџиите ТВ-филм	Петар
1969	Време вез војна ТВ-филм
1969	Итрата вдовица ТВ-филм
1969	Крос кантри ТВ-филм
1969	Прозорци ТВ-филм
1969	Битка на Нретви ТВ-филм	Жика
1969	Свеќник ТВ-филм
1970	Храненик ТВ-филм
1971	Жед ТВ-филм	Поп Ефтим
1971	Македонскиот дел од пеколот ТВ-филм	Цане
1971	Во гората расне зелен бор ТВ-филм	Марказа
1972	Валтер го брани Сараево ТВ-филм
1973	Сутјеска ТВ-филм	Станојлов помагач
1973	Пикник на фронтот ТВ-филм	Зепо
1975	Го познавате ли Павле Плеша ТВ-филм
1975	Сребреното јаболко ТВ-филм
1975	Светецот од слатина ТВ-филм
1975	Волшебното самарче ТВ-серија
1975	Синови ТВ-филм	Слуга Трифун
1977	Нели ти реков ТВ-филм
1978	Златни години ТВ-серија
1979	Наши години ТВ-серија	Фускултурничарот
1979	Партизанска ескадрила ТВ-филм
1980	Оловна бригада ТВ-филм	Стево
1980	Учителот ТВ-филм
1981	Брановиќ Страхиња ТВ-филм
1981	Црвениот коњ ТВ-филм	Сујде
1982	Јужна патека ТВ-филм
1983	Ликвидатор ТВ-филм
1984	Нели ти реков ТВ-филм
1984	Комедијанти ТВ-серија	Комичар
1984	Го мермираме мојот јастреб ТВ-филм
1986-1989	Македонски народни приказни ТВ-серија
1987	Ајде да се сакаме ТВ-филм	Полицаец Гага
1988	Азра ТВ-филм
1988	Луди години ТВ-серија	Максим Филиповиќ
1988	Некоја чудна земја ТВ-филм
1989	Собирен Центар ТВ-филм	Мачак
1990	Северна грешка ТВ-филм	Чавка
1990	Станица на обични возови ТВ-филм
1991	Вонземјаните се криви за се ТВ-филм
1991	Болва в' уво ТВ-филм
1991	Тесна кожа 4 ТВ-филм
1991	Во име на законот ТВ-серија	Зајко Кокорајко
1991	ТВ Театар ТВ-серија	Полицаец
1992	Дама која убива ТВ-серија	Командир
2002	Зона Замфирова ТВ-филм
2003	Време за плачење ТВ-филм
2008-2009	Некој чудни луѓе ТВ-серија
2009	Седумка, љубов или смрт ТВ-филм
2011	Нашата мала клиника ТВ-серија	Љупче
2015	Незрели цреши ТВ-филм
2016	А болката останува ТВ-филм	Жан Батист Валери
2017	Ах, љубов моја ТВ-филм	Газдероберот
2022	Затемнување ТВ-филм	Монах Живан
2024	Жикина Династија ТВ-филм	Максим Филиповиќ

Режисер

Коле Ангеловски како режисер ги има режирано следните филмови и серии:

Година	Филм/Серија
1973	Колнати сме, Ирина (филм)
1975	Сребрено јаболко (филм)
1975	Клинч (филм)
1977	Итар Пејо (серија)
1986	Солунски патрдии (серија)
1987	Училиште за кловнови (серија)
1987	Театарче лево ќоше (филм)
1988	Викенд на мртовци (филм)
1989	Рекламна бајка (претстава)
1990	Викенд на мртовци (серија)
1991	Македонија може (серија)
1992	Чудовиштата во нашиот град (серија)
2003	Време за плачење (филм)
2003	Лото, лото (серија)
2004	Неверство во зимска ноќ (филм)
2006	Пусто турско (филм)
2009	Ветар низ тополите (серија)
2009	Балкан бенд (серија)
2009	Седумка, љубов или смрт (филм)
2015	Три во едно (филм)
2017	Ах, љубов моја (серија)

Писател

Коле Ангеловски ја има напишано следнава филмографија:

• 1967 - "Путељак"
• 1973 - "Колнати сме, Ирина" (филм)
• 1987 - "Училиште за кловнови" (серија)
• 2003 - "Време за плачење" (ТВ)
• 2003 - "Лото, лото" (серија)

Награди

• 1988 – Награда за Филмскиот фестивал во Голубац, за најдобра режија за филмот „Викенд на мртовци“
• 1992 – Награда „11 Октомври“
• 2008 — Награда „13 Ноември“
• Награда „Ристо Шишков“
• 2011 — Награда за животно дело „Војдан Чернодрински“
• 2018 — Награда „Св. Јоаким Осоговски“
• 2019 — Награда „Киненова“ за особен придонес во филмската уметност
• 2020 — Награда „Златен објектив“
• 2020 — награда „13 Ноември“ од областа на културата за 60 години творештво во областа на театарот и филмот.^[1]
• 2022 — Награда на фестивалот „Денови на Комедија“ во Куманово за најдобра режија за претставата „Паника во Хотел палас“
• 2023 — Награда „Васил Иљоски“ на фестивалот „Денови на комедија“ Куманово
• 2023 — Орден за заслуги за Република Македонија

Наводи

1. „ИЗБРАНИ ДОБИТНИЦИТЕ НА НАГРАДАТА „13 НОЕМВРИ" НА ГРАД СКОПЈЕ ЗА 2020 ГОДИНА“. Град Скопје. Посетено на 3 декември 2020.

Надворешни врски

• Коле Ангеловски на Семрежната филмска база на податоци (англиски)