Каталог на сјајни ѕвезди
ѕвезден каталог From Wikipedia, the free encyclopedia
ѕвезден каталог From Wikipedia, the free encyclopedia
Каталог на сјајни ѕвезди (англиски: Bright Star Catalogue), наречен и Јејлски каталог на сјајни ѕвезди (Yale Catalogue of Bright Stars или Yale Bright Star Catalogue) — ѕвезден каталог во кој се заведени сите ѕвезди со величина од барем 6,5, или секоја ѕвезда видлива од Земјата со голо око. Во каталогот има вкупно 9.110 објекти, од кои 9.095 се ѕвезди, 11 се нови или супернови,[1] и 4 неѕвездени тела; неѕвездените тела се збиените јата 47 Тукан (озн. HR 95) и NGC 2808 (HR 3671), како и расеаните јата NGC 2281 (HR 2496) и Месје 67 (HR 3515).[2]
Каталогот има предодреден број записи, но податоците редовно се одржуваат. Секоја ставка има прибелешки кои продолжуваат да се надоградуваат уште од времето кога Френк Шлезингер од универзитетот Јејл го објавил првото издание во 1930 г. Петтото издание од 1991 г. било проширено со прибелешки дотаму што тие зафаќале повеќе страници од самиот каталог. Поновите изданија се во уредништво на Елен Дорит Хофлајт, исто така од Јејл.[3][4]
Иако кратенката на каталогот гласи BS или YBS, пред каталошкиот број стои ознаката HR, задржувајќи ја од неговиот претходник Харвардскиот преработен фотометриски каталог (Harvard Revised Photometry Catalogue) на опсерваторијата во Харвард, издаден во 1908 г. Првото негово издание излегло во 1884 г. во уредништво на Едвард Чарлс Пикеринг и опфаќало околу 4.000 ѕвезди.[5] По неговото издавање, Пикеринг се заложил за поопширен преглед се вклучени и ѕвездите од јужната полутопка. Фотометриските испитувања ги извршил Солон И. Бејли помеѓу 1889 и 1891 г., што довело до објавувањето на Преработената Харвардска фотометрија (Revised Harvard Photometry) во 1908 г. Новиот каталог опфаќал голем број ѕвезди, од најсјајните, па сè до оние со величина од 6,5 на обете полутопки. Задачата потоа ја презел Џон А. Паркхерст, кој работел на неа до 1920-тите.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.