From Wikipedia, the free encyclopedia
Ежен Си (француски: Eugène Sue, роден на 26 јануари 1804 во Париз — починал на 3 август 1857 во Сардинија) — француски писател на дела во жанрот авантуристички, социјален и битен роман, еден од основоположниците на масовната литература.
| Ежен Си | |
|---|---|
 | |
| Роден/а | Жозеф Мари Ежен Си јануари 26, 1804 Париз |
| Починат/а | август 3, 1857 (возр. 53) Сардинија |
| Занимање | романописец |
| Јазик | француски |
| Националност | Французин |
| Период | 1830–1857 |
| Книжевно движење | романтизам |
| Значајни дела | Париски тајни |
| Значајни награди | Легиот на честта |
Жозеф Мари Ежен Си е роден на 26 јануари 1804 година во Париз, Франција. Син на истакнатиот хирург од армијата на Наполеон Бонапарт, Жан-Жозеф Си. Ежен завршил во училиштето „Кондорсе“ во Париз. По дипломирањето неговиот татко го испратил во армијата, во 1923 година во т.н. Шпанска експедиција, а потоа и во Грција и Карибите.
По смртта на неговиот татко во 1829 година тој наследил значително богатство и се населил во Париз. Се запишал во престижниот „Џокеј Клуб“ во Париз, станувајќи љубовник на најубавите дами во Паризтрошејќи го целото наследство во рок од седум години.
Започнал да пишува лесни авантуристички романи, а првиот од нив бил „Kernok le pirate“, објавен во 1830 година. Освен тоа пишувал и историски и современи романи.
Во 1842 година го објавил еден од најпознатите романи - Париски тајни. Успехот на романот бил многу голем, правејќи го познат како значајна личност. Книжевното дело било екранизирано. Во 1844 година го издал својот втор роман „Еврејскиот скитник“..
Писателот е автор на 43 романи, 2 зборници, 8 политички трудови и 19 претстави.
По револуцијата од 1848 година тој бил избран во април 1850 година за член на законодавното собрание од изборен регион Сена во Париз. Кога Наполеон III направил државен удар на 2 декември 1851 година тој заминал во егзил во Сардинија, каде починал на 3 август 1857 година.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
