село во Општина Босилово From Wikipedia, the free encyclopedia
Дрвош — село во Општина Босилово, во околината на градот Струмица.
Дрвош | |
Улица во селото | |
Координати 41°30′2″N 22°46′27″E | |
Општина | Босилово |
Население | 614 жит. (поп. 2021)[1] |
Шифра на КО | 27027 |
Надм. вис. | 370 м |
Дрвош на општинската карта Атарот на Дрвош во рамките на општината | |
Дрвош се наоѓа во југоисточниот дел на Република Македонија. Од најблискиот град Струмица е оддалечен 12 километри.
Надморската височина во селото е 370 метри додека селото зафаќа површина од 23 км2. Од нив, 1.855 хектари се шумско земјиште, додека 284 хектари се обработливо земјиште и 120 хектари се пасишта. Селото има поледелко-шумарска функција[2] Северно од селото се наоѓа планината Огражден.
Името Дрвош значи „населба среде дрвја“ или „населба среде шума“. И денес селото е опколено со горски дрвја, особено со дабова шума. Најверојатно селото Дрвош било основано во времето на османлиското владеење на овие простори. Според легендата, најпрвин во селото се населиле две семејства, а по нив дошле и други. Со копачење на шумата тие отвориле место за неселба, која во еден турски пописен дефтер од XVI век е спомната со името Дрвош[3].
Во „Етнографија на Адријанопол, Монастир и Салоника“ се вели дека во 1873 г. селото се состоело од 130 семејства и 285 жители Македонци и 108 Турци[4][5] Според статистиката на Васил К’нчов („Македонија. Етнографија и статистика“) во 1900 година селото имало 240 жители Македонци[4][6].
Селото било под влијание на Бугарската егзархија. Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живееле 280 Македонци под врховенството на Бугарската егзархија.[7].
По започнувањето на Балканските војни, 1 човек бил доброволец во Македонско-одрински доброволни чети[8].
По крајот на Балканските војни, селото било вклучено во составот на Царство Бугарија. По крајот на Првата светска војна, според Нејскиот мировен договор, селото било вклучено во составот на Кралство СХС, заедно со Струмичкиот регион, додека по крајот на Втората светска војна, во рамките на СФРЈ. Селото е споменато во „Оковани радник" (легален орган на КПЈ), во број 8 од 15 октомври 1924 година, во врска со положбата на народот на Струмичката околина во тој период. Според списанието, по дознавањето на околинскиот началник за делување на пет комити во селата Робово и Петралинци, полицискиот писар Јагош спроведел рација во која во Робово уапсил 10 луѓе, во Петралинци 5 луѓе и во Дрвош 6 луѓе бидејќи сметал дела уапсените им помагале на комитите[9].
По распаѓањето на СФРЈ, селото формално било вклучено во составот на Република Македонија. Според територијалната организација на Република Македонија, селото припаѓа на Општина Босилово.
|
| |||||||||||||||||||||||||||||||||
Според германска карта издадена во 1941 година, а заснована на пописот на Кралството Југославија од 1931 година, селото имало 300 Македонци.[10]
Според Пописот на населението од 2002 година, во селото живееле 699 жители, сите Македонци.[11]
Според последниот попис од 2021 година, во селото живееле 614 жители, од кои 540 Македонци, 1 Албанец и 73 лица без податоци.[12]
Во табелата во продолжение е направен преглед на населението во сите пописни години:
Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
---|---|---|---|---|---|---|---|---|---|---|---|
Население | 240 | 280 | 417 | 477 | 566 | 639 | 688 | 699 | 695 | 699 | 614 |
Во селото постои избирачкото место бр. 1818 според Државната изборна комисија, сместени во просториите на основното училиште.[17]
На претседателските избори во 2019 година, на ова избирачко место биле запишани вкупно 565 гласачи.[18]
На Македонски парламентарни избори во 2020 година, на овие избирачки места биле запишани вкупно 579 гласачи.[19]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.