Долно Нерези

Долно Нерези — скопска населба во западниот дел на Општина Карпош. На југ се граничи со планината Водно, на исток со населбите Жданец, Козле и Тафталиџе 2, на север со Карпош 4, додека на запад со реката Вардар, односно населбите Хром и Влае.

Долно Нерези
Поглед кон населбата
Долно Нерези Местоположба на Долно Нерези во Македонија Долно Нерези на карта
Координати 41°59′51″N 21°22′43″E
Регион	Скопски
Општина	Карпош
Област	Каршијак
Пошт. бр.	1020
Шифра на КО	25050
Надм. вис.	272 м
Долно Нерези на општинската карта Податотека:Долно Нерези во Општина Каропш.svg Атарот на Долно Нерези во рамките на општината
Долно Нерези на Ризницата

Станбени објекти во Долно Нерези, 1964 г., подарок од Норвешка по скопскиот земјотрес.

Историја

На крајот на XIX век Долно Нерези било село во Скопската каза на Отоманското Царство. Според статистиката на Васил К’нчов („Македонија. Етнографија и статистика“) во 1900 г. во Нерези (Горно, Долно и Средно) живееле 260 Македонци христијани и 300 Арнаути муслимани.^[1][2]

На почетокот на XX век целото христијанско населени на селото било под врховенството на Бугарската егзархија. По податоци на егзархискиот секретар Димитар Мишев („La Macédoine et sa Population Chrétienne“) во 1905 во Нерези имало 288 Македонци под егзархијата.^[1][3]

На етничката карта на Северозападна Македонија од 1929 г. Афанасиј Селишчев го обележал Нерези како мешано македонско-албанско село.^[4]

Опшествени установи

• Црква „Св. Пантелејмон“ — единствената црква во населбата;
• Џамија

Културни знаменитости

• Долно Нерези — археолошко наоѓалиште од римско време каде се најдени две латински плочи, од кои едната посветена божицата Деја Сирија (Атаргатис)

Демографија

Според пописот од 2002 година Долно Нерези било попишано со Средно Нерези и заедно имале 12 418 жители.^[5]

Народност	Вкупно
Македонци	10 288
Албанци	1 353
Турци	93
Роми	19
Власи	58
Срби	378
Бошњаци	14
други	217

Поврзано

• Средно Нерези

Наводи

1. Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.
2. Кѫнчовъ, Василъ (1900). Македония. Етнография и статистика. София: Българското книжовно дружество. стр. 205. ISBN 954430424X.
3. Brancoff, D.M. "La Macedoine et sa Population Chretienne". Paris, 1905, р.114-116.
4. Селищев, Афанасий. „Полог и его болгарское население. Исторические, этнографические и диалектологические очерки северо-западной Македонии“. – София, 1929.
5. „Министерство за Локална самоуправа. База на општински урбанистички планови“. Архивирано од изворникот на 2008-09-15. Посетено на 2017-12-05.

Надворешни врски

• Долно Нерези на Ризницата ^?