Вошките (латински: Pediculus humanus capitis) се мали инсекти без крила и цицаат крв од главата. Нивната боја е различна, од белузлава до кафеава и црвеникава до кафеава. Вошките живеат само кај луѓето. Ако се отстранат од главата, тие умираат обично во рок од 24 часа. Вошките не скокаат, тие можат само да ползат при што се пренесуваат од глава на глава.
Вошките се паразити кои наликуваат на инсекти без крила, живеат на косматиот дел на телото. Вошливоста е честа во школите, во центрите со дневен престој и други простори, кои се пренатрупани и каде децата се во близок меѓусебен контакт. Доколку вашето дете било во контакт со друго дете кое има вошки, прочитајте ја внимателно оваа информација
Како се пренесуваат и како да се препознаат?
Вошките не можат нити да скокаат нити да летаат. Се пренесуваат со директен контакт или индиректно со заедничка употреба на шешири, капи и четки. Женките ги депонираат јајцата во косата и тоа во близина на коренот (близина на скалпот) каде е најтопло. Јајцата наликуваат на беличасто-сивкасти зрнца кои се фиксирани за коренот на влакната и не може да се исчеткаат како перут. Најчесто се сместуваат во тилниот дел или зад ушите и може да се видат со голо око. Возрасните вошки се потемно обоени и се гледаат како се движат низ косата. Кај тешки инфестации присутен е интензивен јадеж на скалпот .
Колку време детето е заразно за другите и кога може да се врати во градинка/училиште? Инфективен период/исклучување од дневниот престој на инфицираните деца треба да е до следното утро, по третманот.
Погрешни верувања и предрасуди за вошките
Децата со вошки често се стигматизираат, но ова е погрешно бидејќи практично секој може да добие вошки. Вошките претпочитаат чиста и здрава коса и скалп. Добрата лична хигиена не може да го заштити вашето дете од вошки. Не е пријатно некој да добие вошки, но секако не е фатално. Единствениот начин на кој вошките вистински може да ве повредат, е ако заради чешањето секундарно се инфицираат раните.
Превенција и третман
Кога некој ќе добие вошки треба да се третира целата фамилија . Вошките се кријат во четките за коса, во креветот и во мебелот на куќата и лесно се шират.
- Во минатото, а кај нас сѐ уште е раширена појава да се избричи косата на главата и да се намачка со газија Ова не треба да се прави, бидејќи денес постојат ефикасни шампони проти вошки, кои се достапни во локалните аптеки.
- Уште поопасна појава е главата на детето да се мачка, не со шампони за вошки туку со други средства, на пример со инсектициди, во кој случај може да настанат смртоносни труења.
- Покрај главата, треба да се третира и облеката, капутите, шапките и другите работи вклучувајќи ја и постелнината, така што ќе се исперат во топла вода со детергент.
- За предметите за кои перење не е возможно се препорачува хемиско чистење. Играчките и други работи кои не може да се исперат треба да се стават во затворена пластична кеса и да се остават неколку недели бидејќи вошките нема да преживеат без човечки домаќин повеќе од неколку дена.
- Мебелот и ќилимот се вакумираат со правосмукалка. Треба да се направи големо чистење.
Каде да се обратите за помош?
- Вашиот лекар
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
