Бурсаспор

Фудбалскиот Клуб Бурсаспор (турски: Bursaspor Kulübü Derneğ) е турски професионален фудбалски клуб од градот Бурса формиран во 1963 година. Клубот има повеќе прекари од кои најпознати се зелено-белите и зелените крокодили. Боите на клубот се зелена и бела. Во домашни рамки, клубот ја освоил Турската Супер лига во сезоната 2009-10 со што станал само вториот клуб од Мала Азија на кој му успеало тоа, и петти клуб кој ја освоил Турската Суперлига.^[1] Клубот исто така го освоил и Турскиот Куп во 1986 година.

Бурсаспор
Целосно име	Bursaspor Kulübü Derneği
Прекар	Зелени крокодили Зелено-бели
Основан	јуни 1, 1963; пред 61 година (1963-06-01)
Стадион	Стадион Бурса Ататурк, Бурса
Капацитет	25,213
Претседател	Ибрахим Јазици
Тренер	Ертугрул Саглам
Лига	Турска Супер лига
2011/12	Турска Супер лига, 8мо
Мреж. место	Официјално мрежно место
Домашни бои Гостински бои Резервни бои

Во сезоната 2009-10, ФК Бурсаспор ја освоил Турската Суперлига за првпат во својата историја со 75 бодови, еден помалце од второпласираниот Фенербахче.^[2][3] ФК Бурсаспор станал вториот клуб надвор од Истанбул што ја освоил Турската Супер лига, придружувајќи му се на ФК Трабзонспор кој ја освоил својата прва титула во 1976. Пред да ја освои титулата, Бурсаспор никогаш не бил пласиран во првите три на табелата. Клубот станал четвртиот турски фудбалски клуб кој отворил своја телевизија посветена на клубот. Во групната фаза од Лигата на Шампионите 2010/11 клубот играл во Ц групата заедно со Манчестер Јунајтед, Валенсија и Глазгов Ренџерс.^[4] На натпреварот против Глазгов Ренџерс, клубот одлучил играчите да не го носат првиот дрес, бидејќи нивниот дрес наликувал на дресот на најголемиот соперник на Глазгов Ренџерс, Селтик.^[5]

Бурсаспор, своите домашни натпревари ги игра на стадионот Бурса Ататурк кој е изграден во 1979 година.

Успеси

• Турска Супер лига:
  • Шампион (1): 2009/10
• Куп на Турција:
  • Освојувач (1): 1986/87
  • Финалист (4): 1970/71, 1973/74, 1991/92, 2011/12
• Суперкуп на Турција:
  • Финалист (2): 1986, 2010

Наводи

1. ANADOLU KRALI (Kingdom of the Anatoluim)^{[мртва врска]} (турски), accessed 30 May 2011
2. Bursaspor Pip Fenerbahce To Turkcell Super Lig Title
3. Yeşil devrim Архивирано на 20 мај 2010 г. (турски)
4. „Newcomers stand in Inter's path“. UEFA Official Website. 26 August 2010. Посетено на 26 August 2010.
5. „No 'Celtic hoops' for Bursaspor at Ibrox“. BBC News. 28 September 2010. Посетено на 2010-09-29.

Надворешни врски

• Официјално мрежно место (турски) (англиски)
• Официјална продавница (турски)
• Официјален семрежен ТВ-канал (турски)
• Официјално семрежно списание Архивирано на 5 март 2012 г. (турски)
• Навивачи на Бурсаспор (турски)