Билион

Билион (од француски: billion) — поим кој може да се однесува на два различни броја:

Долга скала (македонска употреба)

• 1.000.000.000.000 (милион милиони)^[1] или десет на дванаесетти степен (10¹²) според долгата скала која се користи во Македонија и разни други земји. Претставува износ илјадапати поголем од билионот на кратката скала (подолу), и износ истоветен на трилионот во таа скала.

Кратка скала

• 1.000.000.000 (илјада милиони) или десет на деветти степен (10⁹) според кратката скала. Претставува износ истоветен на милијардата во долгата скала. .^[2][3]

Денес кратката скала е сеприсутна во англојазичните земји. Во САД е усвоена многу одамна, преку Франција.^[4] Британија пак, официјално се префрлила на оваа скала дури во 1974 г., иако наоѓала примена во техничката литература и новинарството уште од 1950-тите; денес британскиот билион во долгата скала се јавува поретко.^[5]

Поврзано

• Трилион
• Милијарда