Бени Суејф (област)

Областа Бени Суејф (арап. محافظة بني سويف‎ Muḥāfāzah Banī Suwīf) ― една од областите (гувернерства) на Египет. Се наоѓа во средиштето на земјата.

Област Бени Суејф
Област
Знаме Амблем
Областа Бени Суејф во рамките на Египет
Држава	Египет
Седиште	Бени Суејф (главен град)
Управа
• Областник / Гувернер	Хани Абдул-Џабер Мохамед Ибрахим[1]
Површина
• Вкупна	1,322 км2 (0,510 ми2)
Население (јануари 2018)
• Вкупно	3.214.000[2]
Час. појас	ИЕВ (UTC+2)
ИЧР (2017)	0.661[3] среден
Мреж. место	benisuef.gov.eg

Преглед

Главен град на оваа област е градот Бени Суејф, кој се наоѓа на околу 120 км јужно од Каиро на западниот брег на реката Нил. Областа е добро позната во Египет по фабриките за цемент. Блиската пирамида Мејдум е единствената истакната туристичка знаменитост во областа.

Поради различните начини на препишување на правописот, таа може да биде позната и како Бени Суеф или Бени Суаиф/Сваиф.^[4]

Стапката на сиромаштија е повеќе од 60% во оваа област, но неодамна биле обезбедени некои мрежи за социјална заштита во облик на финансиска помош и можности за работа. Финансирањето е координирано од Министерството за финансии на земјата и со помош од меѓународни организации.^[5]

Општински единици

Областа е поделена на следните општински единици за административни цели со вкупно проценето население заклучно со јули 2017 година од 3.171.186. Во некои случаи, еден марказ и кисма делат име.^[6][7]

Општински единици

Име	Арапско име	Арапска (латинична) транслитерација	Население (проценки од јули 2017)	Вид
Ел Фашн	مركز الفشن	Al-Fashn	470.846	Марказ
Ел Уаста/Васта	مركز الواسطى	Al-Wāsiṭā	493.368	Марказ
Бени Суејф	قسم بنى سويف	Banī Suwayf	235.867	Кизам (целосно урбана)
Бени Суејф	مركز بنى سويف	Banī Suwayf	431.278	Марказ
Биба	مركز ببا	Bibā	469.488	Марказ
Ихнасија	مركز أهناسيا	Ihnāsiyā	391.721	Марказ
Нов Бени Суејф	قسم مدينة بنى سويف الجديدة	Madīnat Banī Suwayf al-Jadīdah	27.873	Кизам (целосно урбана)
Насер	مركز ناصر	Nāṣir	373.510	Марказ
Сумуста Ел Вакф	مركز سمسطا	Sumusṭā al-Waqf	277.235	Марказ

Население

Според проценките на населението од 2015 година, мнозинството жители во областа живеат во рурални места, со стапка на урбанизација од само 23,2%. Од проценетите 2.856.812 луѓе кои живеат во областа, 2.193.871 луѓе живеат во руралните места наспроти само 662.941 во урбаните места.^[8]

Индустриски зони

Според египетската Управа за инвестиции и слободни зони, подредена на Министерството за инвестиции, следните индустриски зони се наоѓаат во оваа област:^[9][10]

• Индустриска зона Ком Абу Ради
• Индустриска зона Бајад Ал Араб
• Индустриска зона 31-1
• Индустриска зона 31-2
• Индустриска зона 31-3
• Индустриска зона 31-4
• Габал Гареб - тешка индустрија
• Нова индустриска зона Бени Суејф

Наводи

1. „رسمياً.. المحافظون الجدد ونوابهم يؤدون اليمين الدستورية أمام الرئيس“. Almasry Alyoum (арапски). 30 август 2018. Архивирано од изворникот 31 август 2018. Посетено на 28 октомври 2021.
2. „Population Estimates By Governorate ( Urban /Rural ) 1/1/2018“. www.capmas.gov.eg. Архивирано од изворникот 2 октомври 2018. Посетено на 28 октомври 2021.
3. „Sub-national HDI - Area Database - Global Data Lab“. hdi.globaldatalab.org (англиски). Посетено на 28 октомври 2021.
4. „Banī Suwayf GOVERNORATE, EGYPT“. britannica.
5. „Social Solidarity Ministry to provide citizens with disabilities financial support“. Egypt Independent. 25 јули 2017. Посетено на 28 октомври 2021.
6. „Beni Suef Governorates Subdivisions“. CityPopulation.de. Архивирано од изворникот на 28 април 2018. Посетено на 28 октомври 2021.
7. „Markazes of Egypt“. statoids.com. Gwillim Law. Архивирано од изворникот на 19 октомври 2017. Посетено на 28 октомври 2021.
8. „Population Estimates By Sex & Governorate 1/1/2015“ (PDF). CAPMAS. Архивирано од изворникот (PDF) на 19 октомври 2015. Посетено на 28 октомври 2021.
9. „Industrial Zones of Governorate“. Ministry of Investment Egypt. Архивирано од изворникот на 23 ноември 2018. Посетено на 28 октомври 2021.
10. „Beni Suef Industrial Map“. benisuef.gov.eg. Beni Suef Gov Egypt. Архивирано од изворникот на 27 декември 2013. Посетено на 28 октомври 2021.

Надворешни врски

• Музејот Бени Суеф до зградата на гувернерот
• „Вести на Ел Уатан“ Архивирано на 12 април 2019 г. - вести за Областа Бени Суејф