Аполо 13 (англиски: Apollo 13) — американски филм од 1995 година, кој ја раскажува приказната за несреќната судбина на месечевата мисија Аполо 13 од 1970 година. Сценариото е напишано од Вилијам Бројлес Џр. и Ал Рејнерт и претставува адаптација на книгата „Изгубената месечина“ на Џим Ловел и Џефри Клугер. Режисер на филмот е Рон Хауард, а главните улоги ги толкуваат: Том Хенкс, Кевин Бејкон, Бил Пакстон и Ед Харис.
| „Аполо 13“ | |
|---|---|
| Режисер | Рон Хауард |
| Продуцент | Брајан Грејзер |
| Сценарист | Книга: Џим Ловел Џефри Клугер Сценарио: Вилијам Бројлс Ал Рејнерт |
| Главни улоги | Том Хенкс Кевин Бејкон Бил Паксотн Гери Синис Ед Харис |
| Музика | Џејмс Хорнер |
| Кинематографија | Дин Канди |
| Монтажа | Даниел П. Хенли Мајк Хил |
| Дистрибутер | Universal Pictures Imagine Entertainment |
| Премиера | 30 јуни 1995 |
| Времетраење | 140 мин. IMAX: 116 мин. |
| Земја | САД |
| Јазик | англиски |
| Буџет | 52 мил. долари[1] |
| Бруто заработка | 355.237.933 долари[2] |
Филмот започнува со флешбек од пожарот на „Аполо 1“, придружен со раскажување на Волтер Кронкајт. Како што завршува неговиот монолог, филмот се префрла на 20 јули 1969 година. Астронаутот-ветеран Џим Ловел (го игра Том Хенкс) оди дома на забава по повод слетувањето на „Аполо 11“ на Месечината. Откако ги гледа историските први чекори на Нил Армстронг, опиениот Ловел ѝ кажува на жена си Мерилин (Кејтлин Квинлан) дека и тој има желба да стапне на Месечината.
Неколку месеци подоцна, Џим, кој очекува да лета на „Аполо 14“, води ВИП тура низ просториите на НАСА додека се склопува големата ракета „Сатурн V“ за мисијата на „Аполо 13“. Додека конгресмените од ВИП-турата прашуваат дали има можност за други слетувања на месечината, имајќи предвид дека Советите заостануваат, Џим добива известување дека тој и неговиот екипаж се унапредени во прв екипаж за „Аполо 13“. Откако го известува своето семејство за новата задача, Ловел и неговиот екипаж, Фред Хајс (го игра Бил Пакстон), Џек Свигерт (го игра Бејкон) и Кен Метингли (го игра Гери Синис) започнуваат да тренираат за мисијата „Аполо 13“ наместо за „Аполо 14“. Како што се приближува датата на лансирање, стравот на Мерилин за четвртата мисија на нејзиниот маж се манифестира преку нејзиното противење да оди на лансирањето. Меѓутоа, уште за време на летот кон Месечината, на вселенскиот брод се случува хаварија поради која животот на космонаутите е доведен во прашање. Сепак, со несебично залагање на многу научници и техничари од НАСА, екипажот на „Аполо 13“ успева да најде доволно електрична енергија за да слетаат на Земјата.[3]
Наводи
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
