Ангел си ти

Ангел си ти (англиски: Life) — македонска песна претставничка на Евровизија 2004^[1][2] во Истанбул, Турција, изведена на англиски јазик (за првпат воопшто не бил употребен македонскиот јазик на настап на Евровизија) од Тоше Проески. На домашниот избор песната била изведена на македонски јазик, исто како и сите песни што Проески ги извел таа вечер.

Ангел си ти
Тоше Проески на Евровизија 2004
Евровизија 2004
земја	Македонија
изведувач	Тоше Проески
јазик	македонски
јазици	англиски
композитор	Јован Јованов
текст	Илија Николовски
пласман
позиција во полуфинале	10
бодови во полуфинале	71
финален пласман	14
бодови во финале	47
хронологија на учество
◄ Од нас зависи (2002)
Ти си сон (2005) ►

Опис

Песната е лирска и во англиската верзија Проески пее за потребата што подобро да се искористи животот ("Животот е книга, а ти мора да ја прочиташ / Животот е приказна и мора да ти ја раскажам") и на крајот завршува тажно заради крајот на врската ("Талкам по моите стари емоции / откривам нови чувства на тага ").

Македонската верзија е посветена на љубената девојка која е убава како ангел, испреплетувајќи ги сеќавањата за почетоците на врската со неа и сегашните чувства, кои воопшто не се променети.

Настап на Евровизија 2004

Песната останала запаметена по својата необична изведба, која започнала со привид дека Проески е сам на сцената. Со побрзите тактови на музиката рацете на неговите придружни танчери го фаќаат и го влечат во различни насоки. Со тоа се симболизирале конфузијата и немирот. Рацете на танчерите имаат исти ракави како мантилот на Проески, така што тие изгледаат како да излегуваат од зад него и ја симболизираат тагата.

Бидејќи Македонија не настапила на Евровизија 2003, за да се квалификува за финалната вечер, “Ангел си ти“ била изведена во полуфиналето. Проески настапил 15-ти по ред, а на крајот, со 71 бод, се пласирал на 10 место во силната конкуренција од 22 натпреварувачи, со што Македонија се квалификувала за финалето.

Во финалето песната повторно била изведена петнаесеттата по ред и со освоени 47 бода се пласирала на 14 место од вкупно 24 песни, со што Македонија стекнала право за учество во полуфиналето на Евровизија наредната година.

Текст на песната

македонски Од утро до мрак во мисливе на почетокот наш се сеќавам, кога од сон ме разбуди со погледот душа ми отвори. Посакав в миг да те имам и вечно крај мене да си ти, а кога љубов ми подари на душа белег ми остави. (2х) Ангел си ти, јас пеам за тебе, ангел си ти, те чувам во себе, ангел си ти кој само за мене може да запре и време. Патот по кој сега чекорам со рози е послан и нема крај, а кога јас ќе те прегрнам сенките две, ко една се, знај. А љубовта обична ја смени во посебна, ти си мојот благослов кому давам сè во животот мој (5х) Ангел си ти, јас пеам за тебе, ангел си ти, те чувам во себе, ангел си ти кој само за мене може да запре и време.

англиски I saw my ID and it wasn't me It was someone else's identity Why do I need to prove myself And who is the judge of my sanity Roaming through my old emotions I find new feelings of misery I bet with my soul to get back the truth Where I would face reality Walking around with some thoughts on my mind I search for a place where I'll be free From all that I said and all that's been done It'll be hard to find it inside of me I know that I've gotta try No one can see me cry I can't take it anymore Imust find a way to let myself go Life is a book and you gotta read it Life is a story and you gotta tell it Life is a song and you gotta sing it You got to know how to live it

Наводи

1. Participating member Архивирано на 18 јуни 2012 г. of EBU
2. Eurovision.tv: F.Y.R of Macedonia competition statistics