![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/51/IBM_logo.svg/langmk-640px-IBM_logo.svg.png&w=640&q=50)
ИБМ
From Wikipedia, the free encyclopedia
„Интернационалната корпорација за деловни машини“ ИБМ (англ. International Business Machines Corporation - IBM) е мултинационална компанија за компјутерска технологија и консалтинг со седиште во Армонк, во државата Њујорк, САД. ИБМ е една од ретките информатички компании која има непрекината историја уште од 19. век.
![Thumb image](http://upload.wikimedia.org/wikipedia/commons/thumb/5/51/IBM_logo.svg/640px-IBM_logo.svg.png)
ИБМ произведува и продава компјутерска опрема и софтвер и обезбедува инфраструктурни услуги, услуги за вдомување и консултантски услуги во областите од супер-компјутери до нанотехнологии.[1]
ИБМ е познат во поновата историја како најголема компјутерска компанија со 355.000 вработени ширум светот. Во однос на вкупните приходи долго време беше прва, а од 2006. е втора, после Хјулит-Пакард. Во 2007. вкупните приходи изнесувале 98,8 милијарди УСД.[2]
ИБМ е сопственик на повеќе патенти од било која друга технолошка компанија. Има инженери и консултанти во над 170 земји и 8 истражувачки лаборатории ширум светот. Вработени на ИБМ се носители на 3 Нобелови награди, четири Тјурингови награди, пет Национални медали за технологија, и пет Национални медали за наука.[3]