27 март

27 март — 86-иот ден во годината според грегоријанскиот календар (87-и во престапна година). Остануваат 279 денови до крајот на годината.

<<	март					>>
Н	П	В	С	Ч	П	С
					01	02
03	04	05	06	07	08	09
10	11	12	13	14	15	16
17	18	19	20	21	22	23
24	25	26	27	28	29	30
31
2024

Настани:

1713	Врз основа на Договорот од Утрехт, Шпанија ѝ го отстапила Гибралтар на Англија.
1903	Во штипското село Карбинци, четите на војводите Гане и Стојан Бочварот се судриле со турскиот аскер при што борбата завршила со трагичен крај за македонските револуционери.
1941	Избиваат демонстрации против пристапувањето на Југославија кон Силите на оската. Извршен е воен удар на чело со генералот Душан Симовиќ и новата влада го поништува пристапувањето на Југославија кон Силите на оската.
1968	При пробен лет со авион загина Јуриј Гагарин, херој на Советскиот Сојуз и првиот човек кој полетал во вселената.
1977	Во Санта Крус, на Канарските Острови, во Атлантскиот Океан, се случи најтешката авионска несреќа во историјата на цивилното воздухопловство. Во судирот на два авиони „џамбо џет“ на Американската авиокомпанија и на Холандското кралско воздухопловство загинаа околу 580 патници.
1992	Врз основа на Договорот од Скопје, потпишан од претседателот на РМ Киро Глигоров и генералот на ЈНА Никола Узелац, војската на ЈНА ја напуштила територијата на Република Македонија.
1999	Над територијата на СР Југославија е соборен американски бомбардер од типот F-117. Ова е единствен случај бомбардер од овој тип да е соборен од непријателски оган, откако претходно е детектиран со помош на нискофреквентен радар.

Родени:

972	Робер II Побожниот — крал на Франција.
1785	Луј XVII — крал на Франција.
1845	Вилхелм Конрад Рендген — германски физичар.
1886	Лудвиг Мис ван ден Рое — германско-американски архитект.
1891	Лајош Зилахи — унгарски писател.
1911	Вероника Тушнова — советска и руска поетеса.
1918	Борис Чипан — македонски архитект.
1921	Иван Рабузин — хрватски сликар.
1927	Мстислав Ростропович — советски и руски виолончелист.
1949	Дубравка Угрешиќ — хрватска писателка.
1951	Сања Илиќ — српски композитор и музичар.
1953	Анимари Мозер-Прел — австриска скијачка.
1963	Квентин Тарантино — американски режисер.
1966	Жарко Паспаљ — српски и југословенски кошаркар.
1969	Мараја Кери — американска пејачка.
1971	Дејвид Култхард — британски возач на Формула 1.
1983	Василиј Кошечкин — руски хокеар.
1986	Мануел Ноер — германски фудбалски голман.
1990	Наталија Санчес — шпанска глумица и пејачка.
1990	Хоселу — шпански фудбалер.
1994	Виктор Ангелов — македонски фудбалер.

Починале:

1378	Грегориј XI — римски папа.
1462	Василиј II Московски — московски кнез.
1625	Џејмс I — крал на Шкотска и Англија од династијата Стјуард, кој владеел од 1603 до 1625 година.
1770	Џовани Батиста Тјеполо — венецијански уметник.
1918	Мартин Шеридан — американски атлетичар.
1968	Јуриј Гагарин — советски космонаут, прв човек кој полетал во вселената.
1972	Мауриц Корнелис Ешер — холандски графички уметник.
2006	Станислав Лем — полски писател на научна фантастика.
2000	Ијан Дјури — англиски рок-музичар и глумец.
2010	Василиј Смислов — руски и советски шахист.

• јануари
• февруари
• март
• април
• мај
• јуни
• јули
• август
• септември
• октомври
• ноември
• декември