Црква „Св. Троица“ - Трооло
црква во селото Трооло From Wikipedia, the free encyclopedia
Света Троица — главна селска црква во селото Трооло.[1]
  Света Троица | |
Поглед кон црквата | |
| македонска православна црква | |
| Епархија | Брегалничка |
| Архијерејско намесништво | Штипско |
| Парохија | Трета пробиштипска |
| Местоположба | |
|---|---|
|
| |
| Координати | 41°54′14.6″N 22°09′18.1″E |
| Место | Трооло |
| Општина | Пробиштип |
| Држава | Македонија |
| Општи податоци | |
| Покровител | Свето Тројство |
| Завршено | 1901 |
| Зограф | непознато |
| Архитектонски опис | |
Црквата е сместена во средишниот дел од селото Трооло, во непосредна близина на сретселото.
Црквата била изградена во 1901 година, но не е познато кога и од кој архијереј била осветена. Исто така, не е познато кога и од кој зограф биле изработени иконите. Црквата не е зографисана.[2]
Градбата на црквата има правоаголна основа. Ѕидана е од камен и малтер со полутркалезни сводови и е покриена со ќерамиди. На северниот и јужниот ѕид има по еден прозорец. Од западната и јужната страна на градбата е доградена припрата, којашто е пониска и исто така е покриена со ќерамиди. Над влезната порта има натпис на којшто е испишан датумот 23 февруари 1901 година и од кој се забележува дека црквата има повеќе ктитори. Над натписот има живопис на којшто е прикажано Светото Тројство.
Дворот на црквата е обележан со камена ограда. Камбанаријата е сместена во аголот од дворот на црквата, од левата страна на влезната порта. Таа претставува дводелна градба од камени тули, при што првиот дел има квадратна основа и од сите страни е заграден со камени ѕидови. Вториот дел има осумаголна основа и, со исклучок на основата, е сочинет од осум дрвени столбови покриени со кровот на камбанаријата.
Внатрешноста на црквата нема фрескоживопис. Иконостасот е изработен од дрво и на него има 20 икони распоредени во два реда, од кои во долниот ред има 7 поголеми, а во горниот ред 13 помали икони. Мали икони се поставени и во просторот пред иконостасот. На јужниот ѕид, од десната страна на иконостасот е сместен владичкиот стол.
Поглед на црквата
Припратата
Натпис над влезната порта
Живопис на Светото Тројство над влезната порта
Внатрешноста на црквата
Камбанаријата на црквата
Припратата
Апсидата
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
