Црква „Св. Јован Крстител“ - Древено
црква во селото Древено From Wikipedia, the free encyclopedia
црква во селото Древено From Wikipedia, the free encyclopedia
Свети Јован Крстител — главна селска црква во селото Древено.[1] Црквата е сместена во средишниот дел на селото.
Свети Јован Крстител | |
Поглед на црквата „Св. Јован Крстител“ во селото Древено | |
македонска православна црква | |
Епархија | Брегалничка |
Архијерејско намесништво | Штипско |
Парохија | Злетовска |
Местоположба | |
---|---|
Координати | 41°57′12.4″N 22°14′06.4″E |
Место | Древено |
Општина | Пробиштип |
Држава | Македонија |
Општи податоци | |
Покровител | Свети Јован Крстител |
Завршено | по XVIII век |
Живопис | XVIII век |
Зограф | Дичо Зограф и непознати автори |
Архитектонски опис | |
Црквата се наоѓа во непосредна близина на регионалниот пат 1309, на влезот од селото од насоката на Злетово.
Црквата била изградена по XVIII век, а иконите биле изработени во текот на XIX век од страна на Дичо Зограф и непознати автори. Не е познато кога и од кого била осветена.
Градбата е трикорабна и има правоаголна основа. Од западната и јужната страна е доградена припрата, којашто е пониска од градбата на црквата и е покриена со ќерамиди. Главниот влез се наоѓа од западната страна, додека од јужната страна има страничен влез. Над главниот влез има плоча на којашто е испишано името на црквата. На јужниот ѕид, веднаш над припратата има четири прозорци. Ѕидана е од кршен камен и малтер со полутркалезни сводови. Целата градба е обоена во бела боја и е покриена со ќерамиди. На кровот на црквата, веднаш над влезната црква, е поставен крст.
Камбанаријата е сместена зад црквата. Таа има квадратна основа и е изградена од камен. Во горниот дел е отворена од сите четири страни, каде што е сместено ѕвоното. Покриена е со лимен кров. Во дворот на црквата, непосредно од десната страна на камбанаријата е сместена трпезаријата. Дворот на црквата е обележан со камена ограда, којашто околу влезната порта е малтерисана и обоена во бела боја, како и покриена со ќерамиди.
Во внатрешноста на црквата нема фрескоживопис. Меѓу иконите на дрвениот иконостас има една мала икона на која било насликано Вознесението Христово. Не се знае кога оваа икона била изработена, но, врз основа на стилската анализа на Коста Балабанов, се претпоставува дека настанала при крајот на 18 век.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.