Црква „Св. Јован Крстител“ - Ѕвегор
црква во селото Ѕвегор From Wikipedia, the free encyclopedia
Свети Јован Крстител — главна селска црква во пијанечкото село Ѕвегор, а воедно и парохиски храм на Ѕвегорската парохија.[1]
  Свети Јован Крстител | |
Поглед на црквата | |
| македонска православна црква | |
| Епархија | Брегалничка |
| Архијерејско намесништво | Делчевско |
| Парохија | Ѕвегорска |
| Местоположба | |
|---|---|
|
| |
| Координати | 41°58′03.8″N 22°48′27.9″E |
| Место | Ѕвегор |
| Општина | Делчево |
| Држава | Македонија |
| Општи податоци | |
| Покровител | Свети Јован Крстител |
| Изградба | 2 август 2001 |
| Завршено | 2017 |
| Архитектонски опис | |
Црквата е сместена во средишниот дел од селото, на десниот брег на реката Ѕвегор, спроти поранешната џамија од другата страна на реката.
Камен-темелник за изградба на црквата бил поставен на 2 август 2001 година[2] и истата била завршена во 2017 година. Објектот бил изграден со помош на донации од мештаните.[3]
Градбата на црквата претставува крстокуполен храм и содржи приземје и кат на кој е сместен главниот простор на храмот. Куполата на храмот е со осумаголна основа и на секоја од осумте страни има по една монофора. Во продолжение на западниот ѕид е догадена припрата до која водат скали изградени од камени блокови, додека на источниот ѕид од градбата се истакнува осумаголната апсида. Храмот содржи влезна врата на јужниот ѕид која води до приземниот простор, додека на страничните ѕидови забележителни се неколку монофори. Влезната врата е дрвена и над неа има црно-бела икона на Јован Крстител. Приземјето од градбата е изградено од камени блокови, ѕидовите во висина на првиот кат од тули, а куполата од камен. Градбата не е фасадирана и е покриена со ќерамиди, а куполата има метален покрив над кој има крст.
Внатрешноста на црквата содржи иконостас кој бил изработен рачно од ореово дрво од страна на прилепски мајстор и е со благослов од митрополитот на Брегалничката епархија г. Иларион. Иконите кои се изложени во црквата биле дигитално изработени во Пловдив и, според ктиторот на црквата, имаат двојно подолг рок на траење од обичните.[3]
Фреските се изработени од изведувачи од Пловдив, Бугарија со дигитално печатење на платно со стаклена прашина, а потоа нанесени на ѕидовите. Ова е првата црква во Македонија со ваков живопис.[4]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
