Црвеногушестата треперка (науч. Anthus cervinus) е мала врапчевидна птица од семејството на тресиопашките (Motacillidae), родот на треперките (Anthus); која се размножува претежно во северниот дел на Европа и Азија, и е проширена кон северна Алјаска. Таа е птица преселница на долги растојанија која зимува во Африка и југоисточна Африка и на западниот брег на САД.
| Црвеногушеста треперка | |
|---|---|
 | |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Врапчевидни |
| Семејство: | Тресиопашки |
| Род: | Anthus |
| Вид: | Црвеногушеста треперка |
| Научен назив | |
| Anthus cervinus (Pallas, 1811) | |
Црвеногушестата треперка е долга 14-15 см и е незабележлива на земја, со кафеави и бели линии одозгора, и црни линии на белиот долен дел. Во сезоната на парење овие птици се одликуваат со циглацрвеното лице и грло. Летот ѝ е силен и директен. Пеењето се јавува главно во текот на летот, а потоа сè помалку и пократко на земја или на гранките. На почетокот тоа се последователни звуци слични на шумската треперка кои завршуваат со трилови и крескања. Звучи како: циви-циви-циви-циви-висс-висс-висс-твисс-висс-висс-цирр. Често на почетокот пеењето е остро, а потоа растегнато псии или ции. Во лет испушта тивко чуп.
Живеалиштето на црвеногушестата треперка се отворените предели, вклучувајќи ги и планините, мочуриштата и тундрите. Гнездото го поставува на земја меѓу густата вегетација при крајот на мај. Несе 4-7, најчесто 5-6 јајца. Инкубацијата трае 10-13 дена и ги лежи само женката. Пилињата се осамостојуваат по 9-14 дена. Исхраната се состои од разни безрбетници, но јаде и семиња.
Наводи
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
