From Wikipedia, the free encyclopedia
Ханука (חֲנוּכָּה), Празник на светлината или Празник на осветувањето — еврејски празник во чест на обновувањето на Ерусалим и повторното осветување на Вториот храм на почетокот на Макавејското востание против Селевкидското Царство во 2 век пр.н.е. [1][2]
Ханука | |
---|---|
![]() | |
Офиц. назив | хебрејски: חֲנֻכָּה или חֲנוּכָּה Македонски превод: 'Воспоставување' или 'Осветување' (на Ерусалимскиот храм) |
Го празнува(ат) | Евреи |
Вид | еврејски |
Значење | Макавејците успешно се побуниле против Антиох IV Епифан. Според Талмудот, подоцнежниот текст, Храмот бил прочистен и фитилите на менората чудесно гореле осум дена, иако имало доволно свето масло само за еден ден. |
Почнува | 25 кислев |
Завршува | 2 тевет или 3 тевет |
Прослава | Се палат свеќи секоја вечер. Се пеат посебни песни, како што е Ma'oz Tzur. Се кажува молитвата халел. Се јаде храна пржена во масло, како што се латкес и суфганија и млечна храна. Се игра драјдел и се даваат поклони |
Поврзано | Пурим, како рабински декретиран празник. |
Ханука е прослава за победата на Макавејците над грчко-асирската војска предводена од Антиох и осветување на Вториот храм кој бил осквернавен за време на нивната окупација. Чудото на Ханука се состои во тоа што маслените ламби на ханукијата гореле осум дена и ноќи, иако имало маслиново масло само за еден ден.[3]
Ханука е празник на светлината и трае осум дена и осум ноќи. За Ханука се користи посебен свеќник со осум свеќи познат под името ханукија или менора за Ханука. Свеќата што се наоѓа на издвоена позиција (повисоко или пониско од останатите) се користи како дополнителна свеќа за палење на другите свеќи и се нарекува шамаш. Палењето на свеќите е централен чин за Ханука; првата ноќ се пали првата свеќа од десната страна на ханукијата, а потоа секој нареден ден се пали по уште една. На овој начин, сите осум свеќи се запалени на осмиот ден и го симболизираат непрекинатото горење на маслото во Храмот по победата на Макавејците. За време на палењето на свеќите, се изговара текст кој почнува со зборовите анерот алалу (овие свеќи), во кој се набројуваат прописите за палење на ханука-свеќите и за начинот на однесување додека горат.[3]
Религиозно гледано Ханука е мал празник, освен кога е Шабат, и важат забраните за работа.[б 1] Славењето на Ханука тежнее да биде неформално и засновано на обичаи наместо на некои законитости. Трите широко прифатени обичаи се:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.