From Wikipedia, the free encyclopedia
Тромостовје (словенечки: Tromostovje, во постарите извори и Тромостје[1][2]) ― целина од три мостови преку реката Љубљаница. Го поврзува историскиот средновековен дел на Љубљана од едната страна и современиот дел на Љубљана, главниот град на Словенија, од другата страна.
Средишниот мост е делумно изграден од глинички варовник. Другите делови се изградени од бетон. Балустрадите со 642 балустри се од бетон. Платформата е поплочена со гранитни блокови поставени во 2010 година. Претходно бил поплочен со асфалт.
На оваа местоположба се споменува дрвен мост од 1280 година. Најпрво бил викан Стар мост (словенечки: Stari most) а подоцна и Долен мост (Spodnji most), за разлика од Горниот мост кој во истиот век бил изграден на местото на денешниот Чевларски мост. Именуван е и Болничарски мост (Špitalski most) по блиската згрижувалница, која била основана во почетокот на 14 век. Повторно е изграден во 1657 година по пожар.
Во 1842 година, Долниот мост бил заменет со нов мост дизајниран од Џовани Пико, италијански архитект од Филах, и именуван како Францов мостот (Frančev most) во чест на надвојводата Франц Карл. Станал познат и како Францискански мост (Frančiškanski most). Овој мост, отворен на 25 септември 1842 година, имал два лака и метална ограда. Основните работи на мостот се сочувани до денес, за што сведочи и испишаната посвета на надвојводата над неговиот средишен столб, на латински „ARCHIDVCI. FRANCISCO. CAROLO. MDCCCXLII. CIVITAS. ARCHIDVCI. FRANCISCO. CAROLO. MDCCCXLII. CIVITAS. ARCHIDVCI. FRANCISCO. CAROLO. MDCCCXLII. CIVITAS. ARCHIDVCI. FRANCISCO. CAROLO. MDCCCXLII. CIVITAS. ARCHIDVCI. FRANCISCO. CAROLO. MDCCCXLII. CIVITAS.“, што значи „До надвојводата Франц Карл во 1842 година од Градот“[3][4]
Со цел да се спречи камениот лачен мост од 1842 година да биде тесно грло, архитектот Јоже Плечник во 1929 година го проектирал продолжението на мостот со два пешачки моста под благ агол на секоја страна од него. Во соработка со неговиот ученик Цирил Тавчар, кој ги нацртал плановите, тој го објавил предлогот истата година во списанието „Ljubljanski zvon“ (во преводЉубљанско ѕвоно).[5] Изградбата започнала во 1931 година и продолжила до пролетта 1932 година. Мостот бил пуштен за сообраќај во април 1932 година.
Мостот бил обновен во 1992 година. Од 2007 година, сите три мостови се дел од љубљанската пешачка зона.
Други мостови дизајнирани од Јоже Плечник:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.