![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9b/Basketballs_ondisplay2_lithuania.jpg/640px-Basketballs_ondisplay2_lithuania.jpg&w=640&q=50)
Топка
From Wikipedia, the free encyclopedia
Топка (дем. топче) — заоблен предмет со различни намени. Често подразбира реквизит во игри и спортови, чие дејство се состои од фрлање, удрање или шутирање на истата. Во највеќето спортови има облик на сфера[1] (или геометриската топка), но некаде е овална (рагби, американски фудбал итн). Помали топчиња имаат многу разни намени: во техниката како лагери, како тегови за мамци во риболовот, како зрна за муниција итн.
![Thumb image](http://upload.wikimedia.org/wikipedia/commons/thumb/9/9b/Basketballs_ondisplay2_lithuania.jpg/320px-Basketballs_ondisplay2_lithuania.jpg)
Многу од денешните топки се направени од гума, што не било случај никаде освен во Америка до откривањето на континентот.[2] Гумените топки (од полна, т.е. ненадувана гума) први ги играле староседелските народи на Средна Америка оламалистли, и истите потоа се донесени во Европа. Во останатите делови од светот, топките се правеле од кожа наполнета со различни материјали или надувани меури на животни.[3]