![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f7/Grosser-feldberg-taunus016.jpg/640px-Grosser-feldberg-taunus016.jpg&w=640&q=50)
Таунус
From Wikipedia, the free encyclopedia
Таунус (германски: Taunus) — низок планински венец во покраината Хесен, Германија што претставува дел од Рајнските Шкрилни Планини. Опкружен е со речните долини на Рајна, Мајна и Лана. Од другата страна на Рајна, планините продолжуваат во ниската верига Хунсрик. Самите планини се протегаат во окрузите Горен Таунус, Мајна-Таунус, Рајнгау-Таунус, Лимбург-Вајлбург, и Рајна-Лана.
![Thumb image](http://upload.wikimedia.org/wikipedia/commons/thumb/f/f7/Grosser-feldberg-taunus016.jpg/640px-Grosser-feldberg-taunus016.jpg)
![Thumb image](http://upload.wikimedia.org/wikipedia/commons/4/4a/Karte_Deutschland_Taunus_2.png)
Највисок врв е Голем Фелдберг (Großer Feldberg) со 878 м. По него следи Мал Фелдберг (Kleiner Feldberg) и Алткениг, каде има остатоци од ридско утврдување (градиште) од доцното железно време (~ 400 п.н.е.) близу врвот.
Во римско време, преку планината се протегала границата на царството. Денес во Залбург има обновена римска тврдина со музеј. Со падот на римскиот лимес во 259/260 г., местото го населиле Алеманите, за што сведочат алеманските гробишта на јужните падини. Со Битката кај Толбијак (496), подрачјето потпаднало под власта на Франките.