Супервелеслалом
From Wikipedia, the free encyclopedia
Супервелеслалом – натпреварувачка дисциплина во алпско скијање. Заедно со спустот, се вбројува во „брзински“ скијачки трки, за разлика од техничките, велеслаломот и слаломот. Во Светскиот куп официјално е воведен во сезоната 1983, на Светското алпско првенство во 1987 и на Зимските олимписки игри во 1988 година. Слично како и во спустот, другата брзинска дисциплина во алпско скијање, супервелеслаломот се состои од широки поставени врати низ кои натпреварувачот мора да помине. Патеката е така поставена така што скијачите мора повеќе да вртат отколку во спуст, но брзините сè уште се многу поголеми отколку во велеслаломот. Секој натпреварувач има право само на едно возење. На олимписките игри, вообичаено супервелеслаломот се изведува на истите падини како и спустот со тоа што стартот е поставен пониско.