![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e4/Spas_na_Ilyine_-_Patriarch_Seth.jpg/640px-Spas_na_Ilyine_-_Patriarch_Seth.jpg&w=640&q=50)
Сит
третиот син на Адам и Ева / From Wikipedia, the free encyclopedia
Сит (хебрејски: שֵׁת — „положба“, грчки: Σηθ) — третиот син на Адам и Ева. Сит се споменува во родословието на Исус Христос.
Ева родила трет син, Сит, откако Каин го убил Авел, и откако Бог ги проколнал Каин и неговото потомство: „И Адам повторно ја запозна својата жена, и таа роди син и му го даде името Сит, бидејќи, рече таа: Бог одредил да имам друго потомство наместо Авел, кого Каин го уби“. (Бит. 4:25).
Според книгата Битие, Сит живеел 912 години.[1] Според масоретскиот текст на Стариот завет, тој е роден во 130 година од создавањето на светот, го родил синот Енос на возраст од 105 години, починал во 1042 г. од создавањето на светот. Според Септуагинтата, се родил во 230 година, го родил синот Енос на возраст од 205 години, починал во 1142 г.