![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3a/Otvaranje_barske_pruge_28_maj_1976.jpg/640px-Otvaranje_barske_pruge_28_maj_1976.jpg&w=640&q=50)
Син воз
From Wikipedia, the free encyclopedia
Синиот воз е музејско-туристички воз „Српски железници“, кој бил специјален луксузен воз што се користел за потребите на поранешниот претседател на СФР Југославија, Јосип Броз-Тито, за време на неговото владеење.[1] Возот бил целина која му овозможувала работа и престој и сите протоколарни обврски за време на патувањето и во земјата и во странство, а имал посебна безбедносна заштита на трасата на пругата по која патувал со армиски и полициски сили. Внатрешноста е изработена во ар деко стил и по повеќе од половина век изгледот останал непроменет.[2] Се користил од 1946 година до 1980 година. Последен пат работел како специјален воз на 5 мај 1980 година при префрлањето на ковчегот на Тито од Љубљана во Белград. Од 2004 година овој воз за првпат бил отворен за пошироката јавност, односно за домашни и странски туристи. Оттогаш, синиот воз има од 30 до 40 тури годишно. Возот може да се изнајмува, а најмногу го користат домашни и странски компании.
![Thumb image](http://upload.wikimedia.org/wikipedia/commons/thumb/3/3a/Otvaranje_barske_pruge_28_maj_1976.jpg/640px-Otvaranje_barske_pruge_28_maj_1976.jpg)