![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/35/Sven_Tumba_SOK.jpg/640px-Sven_Tumba_SOK.jpg&w=640&q=50)
Свен Тумба
From Wikipedia, the free encyclopedia
Свен Тумба (роден Свен Олоф Гунар Јохансон; 28 август 1931 - 1 октомври 2011) бил еден од најистакнатите шведски хокеари на мраз во 1950-тите и 1960-тите. Тој исто така ја претставувал Шведска во фудбал, како и голф и станал шведски шампион во скијање на вода. Јохансон првпат станал познат како „Тумба“ во 1950-тите, бидејќи имало и други играчи со исто презиме како неговото, а бидејќи тој пораснал во шведскиот град Тумба од таму го добил и својот нов прекар. Во октомври 1960 година се оженил со својата сопруга Мона, и пет години подоцна, заедно со Мона, законски го смениле своето семејно презиме во Тумба.
![Thumb image](http://upload.wikimedia.org/wikipedia/commons/thumb/3/35/Sven_Tumba_SOK.jpg/320px-Sven_Tumba_SOK.jpg)
По неговото пензионирање од хокеј на мраз, тој станал успешен играч на голф, како и дизајнер на терени за голф, креатор и организатор на изложби и турнири за голф, како и амбасадор на играта голф, дури и официјално воведувајќи ја играта голф во поранешниот Советски Сојуз.