![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ab/Alexander_The_Greate_and_Roxane_by_Rotari_1756.jpg/640px-Alexander_The_Greate_and_Roxane_by_Rotari_1756.jpg&w=640&q=50)
Роксана
Бактриска принцеза и жена на Александар Трети Македонски / From Wikipedia, the free encyclopedia
Роксана (бактриски и персиски: Рошанак) — принцеза, ќерка на сатрапот на Бактрија (тогашна источна Персија, сегашен Авганистан). Родена е пред 343 п.н.е., но датумот на нејзиното раѓање не може со точност да се утврди.
![Thumb image](http://upload.wikimedia.org/wikipedia/commons/thumb/a/ab/Alexander_The_Greate_and_Roxane_by_Rotari_1756.jpg/640px-Alexander_The_Greate_and_Roxane_by_Rotari_1756.jpg)
![Thumb image](http://upload.wikimedia.org/wikipedia/commons/thumb/1/1e/The_wedding_of_Alexander_and_Roxane_by_Andre_Castaigne_%281898-1899%29.jpg/640px-The_wedding_of_Alexander_and_Roxane_by_Andre_Castaigne_%281898-1899%29.jpg)
Роксана е првата сопруга на Александар Македонски со која се оженил 327 п.н.е. Според мислењето на многумина немало некоја посебна политичка причина за женидбата на Александар со неа. Сепак има претпоставки дека најверојатно тој се оженил со неа со цел уште повеќе да ја обедини Македонија со Персија и народите кои живееле во неговото кралство, различни по раса, култура и начин на живот. После женидбата со Александар, Роксана го придружува Александар во неговите походи кон Индија.
По смртта на Александар, во Вавилон 323 п.н.е., Роксана ја убива втората жена на Александар, Статира II, како и нејзината сестра Дриптиз (според Плутарх) или Парисата II, третата жена на Александар. Набрзо го раѓа и синот на Александар Македонски, Александар IV.
Роксана и нејзиниот син биле под заштита на Олимпија, мајката на Александар. Но, после нејзиното убиство во 316 п.н.е. му овозможува на Касандар да ја побара кралската круна. Бидејќи Александар IV бил легитимен наследник на кралската круна, Касандар наредил 309 п.н.е. тој и Роксана да бидат убиени.