Скадарско кале From Wikipedia, the free encyclopedia
Розафа или „Скадарско кале“ (албански: Kalaja e Shkodrës) е тврдина која се наоѓа во близина на градот Скадар, во северозападна Албанија. Тврдината се издига на 130 метри надморска висина, обграден од реките Бојана и Дрим. Скадар е седиште на Општина Скадар и претставува еден од најстарите историски градови во Албанија.[1]
Поради неговата стратегиска местоположба, тој бил изграден уште од најрано време, односно од страна на Илирите. Во 167 година паднал под управа на Римјаните. Според Јохан Георг фон Хан, албанист од 19 век, древниот град Скадар се наоѓал јужно од оваа тврдина, само на неколку метри. Подоцна, тврдината била преземена од страна на Венеција.[2]
Според една легенда, замокот бил изграден од страна на три браќа. Тие работеле по цел ден, но ѕидините и сработеното во текот на денот преку ноќта се рушеле. Еден ден, тие таму сретнале еден старец, кој им рекол дека сè додека не жртвуваат некој тој секогаш ќе се руши. Браќата решиле да жртвуваат некоја од своите сопруги. Онаа невеста, која ќе донесе следниот ден ручек на браќата, ќе биде соѕидана во темелите на замокот. Тие исто така обеќале дека нема да им соопштат на жените за тој план. Двата поголеми браќа, сепак им кажале на своите сопруги да не доаѓаат кон тврдината, а најмалиот останал доследен на договорот.
Следниот ден, браќата напрегнато го очекувале доаѓањето на невестата. Таа се викала Росафа, невеста на најмалиот брат. Веднаш штом престигнала, најмалиот брат и соопштил дека таа треба да биде соѕидана во темелите на тврдината.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.