![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2d/Insignia_Hungary_Political_History_M%25C5%2590.svg/langmk-640px-Insignia_Hungary_Political_History_M%25C5%2590.svg.png&w=640&q=50)
Работничка милиција (Унгарија)
From Wikipedia, the free encyclopedia
Работничка милиција (унгарски: Munkásőrség) — паравоена организација во Народна Република Унгарија од 1956 до 1989 година.
![Thumb image](http://upload.wikimedia.org/wikipedia/commons/thumb/2/2d/Insignia_Hungary_Political_History_M%C5%90.svg/220px-Insignia_Hungary_Political_History_M%C5%90.svg.png)
![Thumb image](http://upload.wikimedia.org/wikipedia/commons/thumb/9/95/Munkasor_karszalag.jpg/320px-Munkasor_karszalag.jpg)
По задушувањето на Унгарската револуција од 1956 година, револуционерната работничко-селанска влада на 18 февруари 1957 година наредила создавање на „Работничка милиција“. Таа ги заменила специјалните полициски сили на револуционерниот режим (кархаталом познат и како пуфајкашок). Задача на темносиво униформираната и вооружена милиција била да ги брани средствата за производство. Службата била доброволна, но очигледно нудела одредени предности во кариерата. Почнала со 20.000 членови и постепено се развивала во голема вооружена сила (60.000), иако тие никогаш не биле распоредени.
Прв командир на оваа организација бил Лајош Халас (1957-1962), по него бил Арпад Пап (1962-1970), а последен бил Шандор Борбељ (1970-1989).
На 31 октомври 1989 година бил одржан референдум со прашањето: „Дали Работничката милиција треба да се распушти?“. Одговорот бил огромни 94,9% „Да“, резултат кој го потврдил претходно донесениот закон (1989 XXX.).