Проштавањето на Славјанка
From Wikipedia, the free encyclopedia
„Проштавањето на Славјанка“ (руски: Прощание славянки) е руски патриотски марш од композиторот Василиј Агапкин во чест на Србинките кои се проштавале од своите сопрузи за време на Првата балканска војна. Маршот за првпат бил изведен во Тамбов во 1912 по што бил издаден на плоча како сингл.
![Thumb image](http://upload.wikimedia.org/wikipedia/commons/c/cd/Proshchanie1.jpg)
Мелодијата добила на популарност во Русија и соседните земји за време на Првата светска војна, кога војниците заминувале од дома со оваа музика. Мелодијата исто така била неофицијална химна на белогардејците на адмиралот Колчак. Маршот бил толку тесноповрзан со царизмот и контрареволуционерните движења што советската влада го потиснувала сè до 1957, кога бил делотворно употребен во филмот „Жеравите летаат“.
По ова, неколку руски и полски композитори пробале да напишат текст за мелодијата. За време на 1990-тите, партијата Јаблоко лобирала за овој марш да стане химна на Русија, но без успех. Моментално маршот е химна на Тамбовската област. Бродовите кои пловат по Волга, како и транссибирскиот воз од Москва до Владивосток ја користат оваа мелодија пред поаѓање.