Проект за човечкиот геном
From Wikipedia, the free encyclopedia
Проектот за човечки геном (англиски: Human Genome Project, HGP) е меѓународен истражувачки проект чија главна цел е определување на низата на базните парови кои ја сочинуваат ДНК и идентификување на приближно 20,000–25,000 гени на човечкиот геном од физичка и функционална гледна точка.[1] Проектот започнал во октомври 1990 година,[2] а целосниот геном е комплетиран во април 2003 година. Најголем дел од секвенционирањето е извршен на универзитетите и истражувачките центри во САД, Велика Британија, Јапонија, Франција и Германија.