Посавски статистички регион

Посавски статистички регион (Словенечки: Posavska statistična regija) — еден од 12-те статистички региони на Словенија. Има добра сообраќајна пристапност и поврзаност и се наоѓа во долините Сава и Крка, со ридски предели со лозја и изобилство на вода. Тој е вториот најмал статистички регион во Словенија. Единствената атомска централа во земјата и бањата Чатеж се наоѓаат во регионот. Најголемо културно и економско средиште на овој статистички регион е градот Кршко. Регионот годишно троши 22 милиони евра за заштита на животната средина.^[1][2][3]

Посавски статистички регион Posavska statistična regija
Статистички регион
Општини	6
Најголем град	Кршко
Површина
• Вкупна	885 км2 (342 ми2)
Население (2020)
• Вкупно	70.349
• Густина	79/км2 (210/ми2)
Статистика
• Домаќинства	30.147
• Вработени	23.414
• Невработени	4.695
• Студенти на факултет/универзитет	3.019
• Регионален БДП (2019):	EUR 1,475 млд (EUR 19.456 по глава на жител)
ИЧР (2019)	0.888 многу високо

Во 2013 година стапката на вработеност во регионот изнесуваше 57,5%. Регионот се карактеризираше со најголема разлика помеѓу стапката на вработеност кај мажите и кај жените (кај мажите таа беше за 12 процентни поени повисока отколку кај жените). Овој регион во 2013 година се издвоил и по број на осудени лица на 1.000 жители (8,3). Населението во 2020 година изнесувало 70.349 жители. Има вкупна површина од 885 квадратни километри. Структура на вработеност: 45,8% услуги, 50% индустрија, 4,2% земјоделство. Привлекува 5,1% од вкупниот број туристи во Словенија, а најмногу се од Словенија (53%).^[4][5]

Список на општини

Посавскиот статистички регион има шест општини:

Општина	Грб	Површина	Население (2020)
Бистрица на Сутла		31,1 км2	1.336
Брежице		268,1 км2	24.051
Костањевица на Крка		58,3 км2	2.432
Кршко		286,5 км2	26.224
Радече		52 км2	4.139
Севница		272,2 км2	17.642

Наводи

1. Žibert, Mojca. 2014. Energetika v Spodnjeposavski statistični regiji (bachelor's thesis). Ljubljana: University of Ljubljana, Department of Geography, p. 37.
2. OECD. 2012. OECD Environmental Performance Reviews: Slovenia 2012. OECD Publishing, p. 324.
3. Lapuh, Lucija. 2016. Measuring the Impact of the Recession on Slovenian Statistical Regions and their Ability to Recover. Acta geographica Slovenica 56(2): 247–256, pp. 252ff.
4. Šprah, Lilijana, Tatjana Novak, & Jerneja Fridl. 2016. The Wellbeing of Slovenia's Population by Region: Comparison of Indicators with an Emphasis on Health. Acta geographica Slovenica 54(1): 67–87, p. 68.
5. Boršič, Darja, & Alenka Kavkler. 2009. Modeling Unemployment Duration in Slovenia Using Cox Regression Models. Transition Studies Review 54(1): 145–156, p. 148.