Политички прогон

Политички прогон (или политичка репресија) ― чин на државен орган на насилно контролирање на граѓаните од политички причини, најчесто за да го ограничи или спречи учеството на граѓаните во политичкиот живот во тоа општество.^[1][2] Политичкиот прогон најчесто се манифестира преку политики на: кршење на човековите права, пратење на активностите, полициска бруталност, затворање, присилно преселување, одземање на правата на граѓаните, лустрација и насилни дејствија или терор, како убиство, брзи погубувања, тортура, присилно исчезнување и друго вонсудско казнување на политички активисти, неистомисленици или населението воопшто.^[3] Политичкиот прогон, исто така, може да биде засилен со неполитички средства, како на пример преку јавна и приватна сопственост на медиумите и преку самоцензура.

Адолф Хитлер

Холокауст

Мао Це Тунг

Културна револуција

Јосиф Сталин

Сталиновата чистка

Аугусто Пиноче

Воена диктатура во Чиле

Кога политичкиот прогон се врши и е организиран од државата, тоа може да се смета за државен тероризам, геноцид, политицид или злосторство против човештвото. Системска и насилна политичка репресија е основна одлика за диктатури, тоталитарни држави и слични режими.^[4] Дејствата на политички прогон можат да бидат извршени од тајна полиција, војска, паравоени групации или одреди на смртта. И во демократски општества може да има репресивни активности.^[5][6] Ако политичкиот прогон не се врши со одобрение од државата, за него сепак може да е одговорен дел од власта. Таков пример се операциите од Против разузнавачкиот процес воден од ФБИ во Соединетите Американски Држави помеѓу 1956 и 1971 година.^[7][8]

Поврзано

• Автократија
• Полициска држава
• Политицид
• Политички затвореник
• Политичко насилство
• Верски прогон
• Масакр на плоштадот „Тјенанмен“

Наводи

1. Davenport, Christian (2007). State Repression and the Domestic Democratic Peace New York: Cambridge University Press.
2. Davenport, Christian, Johnston, Hank and Mueller, Carol (2004). Repression and Mobilization Архивирано на 16 јули 2011 г. Minneapolis: University of Minnesota Press.
3. Kittrie, Nicholas N. 1995. The War Against Authority: From the Crisis of Legitimacy to a New Social Contract. Baltimore, MD: Johns Hopkins University Press.
4. Serge, Victor, 1979, What Everyone Should Know About State Repression, London: New Park Publications.
5. Donner, Frank J. (1980). The Age of Surveillance: The Aims and Methods of America’s Political Intelligence System. New York: Alfred A. Knopf. ISBN 0-394-40298-7
6. Donner, Frank J. (1990). Protectors of Privilege: Red Squads and Police Repression in Urban America. Berkeley: University of California Press. ISBN 0-520-05951-4
7. COINTELPRO: The FBI's Covert Action Programs Against American Citizens, Final Report of the Senate Committee to Study Governmental Operations with respect to Intelligence Activities.
8. Cunningham, D. 2004. There’s something happening here: The New Left, the Klan, and FBI counterintelligence. Berkeley: Univ. of California.