![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/de/Colonial_Africa_1913_map.svg/langmk-640px-Colonial_Africa_1913_map.svg.png&w=640&q=50)
Освојување на Африка
From Wikipedia, the free encyclopedia
Освојувањето на Африка (Трката за Африка или Поделба на Африка) — период од историјата на Африка проследен со окупација, поделба и колонизација на африканската територија од страна на европските сили за време на периодот на т.н. Нов империјализам, во периодот помеѓу 1881 и 1914 година. Во 1870 година, само 10% од Африка бил под европска контрола, додека по само 44 години, во 1914 година овој процент се зголемил на речиси 90% од континентот. Единствено Етиопија (Абисинија), Дервишката држава (денешна Сомалија[1]) и Либерија биле независни.
![Thumb image](http://upload.wikimedia.org/wikipedia/commons/thumb/d/de/Colonial_Africa_1913_map.svg/640px-Colonial_Africa_1913_map.svg.png)
Белгија | Италија
|
Британија | Португалија
|
Франција | |
Независни
|
Берлинската конференција од 1884 година, која ја регулирала европската колонизација и трговија во Африка, обично се смета за почетна точка за борбата во Африка.[2] Како последица на политичките и економските соперништва меѓу европските империи во последната четвртина од XIX век, европските сили често избегнувале да војуваат меѓу себе кога станувало збор за континентот[3]. Во подоцнежните години на XIX век, транзицијата од „неформалниот империјализам“ со воено влијание и економска доминација, го насочило владеењето, доведувајќи го колонијалниот империјализам[4].