Нунан синдром
From Wikipedia, the free encyclopedia
Нунан синдром (Noonan syndrome ) (MKB Q 87.1 -Прeваленција (распространетост): 1-5 / 10 000) е вродена малформација (вроден недостаток) и се одликува со бројни аномалии на лицето, вродени срцеви маани, слаб раст и деформитети на градниот кош и скелетот, аномалии на генитоуретралниот систем, очите, лимфниот систем и бројни други органи и органски системи. Се јавува на секои 2500 новороденчиња, без разлика на расата и полот.
Синдромот е именуван во 1963 година по американската докторка Жаклин Нунан, педијатриски кардиолог на Универзитетот во Ајова, кога забележала дека децата со редок вид на срцев недостаток, валвуларна пулмонална стеноза, често пати имаат карактеристичен физички изглед со низок раст, краток врат, широко распространети очи и ниско поставени уши.[1]