From Wikipedia, the free encyclopedia
Новинар е лице кое професионално се занимава со собирање вести (на пример, фотограф, репортер, уредник). Лице кое се занимава со новинарство. Во зависност од контекстот, терминот новинар може да вклучува и различни типови уредници, редакциски писатели, колумнисти и визуелни новинари, како што се фоторепортери (новинари кои користат фотографија). Новинар, во светот на интернетот може да биде и лице кое води јавен дневник, на пример блог.
Улогата на новинарот е да истражува, пишува и известува за информациите за да ги презентира во извори, да спроведува интервјуа, да се занимава со истражување и да дава извештаи. Дел од собирањето информации за работата на новинарот понекогаш се нарекува и известување, за разлика од производствениот дел од работата, како што е пишувањето статии. Новинарите можат да го поделат своето време кога работат во редакција и да одат на настанот за да бидат сведоци или да ги интервјуираат луѓето.
Од новинарот се очекува да нема компромис со вистината. Веста секогаш треба да ја објави навремено и точна. Од новинарот се очекува слободно да се изрази, да не е подложен на цензура и автоцензура. Новинарот во секојдневните обврски се соочува со притисок со факти. Слободното новинарство може да биде добро или лошо, но без слобода новинарството не може да биде ништо друго освен лошо. Професионалноста разликува добар и лош новинар. Задачата на новинарот е да ги пренесе веста и вистината, не да ги создава.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
