Необарок
истористички архитектонски правец / From Wikipedia, the free encyclopedia
Необарок или барокна возобнова — истористички архитектонски стил кон крајот на XIX век[1] кој зајмува разни архитектонски и вајарски елементи од барокот. Овие елементи биле важен дел од наставната програма во Вишата школа за убави уметности во Париз (École des Beaux-Arts) во втората половина на XIX век, која извршила големо влијание врз архитектурата во Франција и во странство. Од неа произлегол и стилот бозар (Beaux-Arts), наречен по установата.
Поради својата величественост, стилот се проширил низ разни земји во светот и се здобил со статус на државна архитектура во европските сили како Британија и Франција, но и како одраз на државноста на новообединетите земји како Германија и Италија.