![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3d/60-40_Solder.jpg/640px-60-40_Solder.jpg&w=640&q=50)
Лем
From Wikipedia, the free encyclopedia
Лем[1] — метално врзивно средство што се користи при лемењето (меко или тврдо), кое има точка на топење најмалку 50 °C пониска од точката на топење на лемениот материјал. Спојот се остварува со нанесување (наквасување) растопен лем на површината на споените делови, дифузија на лемот во површинските слоеви и кристализација на лемот и механичко закотвување. Нанесувањето е дотолку подобро колку што температурата на лемењето е повисока, а површините се исчистени од оксиди и други премази, нечистотии и слично. Поради оваа причина, овие површини се чистат механички и хемиски пред лемењето, а при лемењето со помош на топило, средство што ги растворува површинските нечистотии и овозможува добро навлажнување и ширење на лемот. Во зависност од работната температура, лемењето може да биде меко или тврдо.[2] Мекото лемење се врши со помош на лемови со точка на топење помала од 450 °C, најчесто легури кои содржат калај, а како топила се користат неоргански и органски халогениди. Лемовите за тврдо лемење имаат точка на топење поголема од 450 °C; тоа се обично сребрени, никелови, бакарни и алуминиумски лемови. Со ваквото лемење се постигнува поголема цврстина и тврдост на спојот.
![Thumb image](http://upload.wikimedia.org/wikipedia/commons/thumb/3/3d/60-40_Solder.jpg/640px-60-40_Solder.jpg)
![Thumb image](http://upload.wikimedia.org/wikipedia/commons/thumb/8/8f/Desoldering.jpg/640px-Desoldering.jpg)
![Thumb image](http://upload.wikimedia.org/wikipedia/commons/thumb/9/97/Solder.jpg/640px-Solder.jpg)
![Thumb image](http://upload.wikimedia.org/wikipedia/commons/thumb/6/6b/Brazing_practice.jpg/640px-Brazing_practice.jpg)
![Thumb image](http://upload.wikimedia.org/wikipedia/commons/thumb/6/68/Propane_torch_soldering_copper_pipe.jpg/640px-Propane_torch_soldering_copper_pipe.jpg)