![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7d/%25D0%259A%25D0%25B5%25D1%2580%25D1%2587%25D0%25B5%25D0%25BD%25D1%2581%25D0%25BA%25D0%25B8%25D0%25B9_%25D0%25BF%25D0%25BE%25D0%25BB%25D1%2583%25D0%25BE%25D1%2581%25D1%2582%25D1%2580%25D0%25BE%25D0%25B2.png/640px-%25D0%259A%25D0%25B5%25D1%2580%25D1%2587%25D0%25B5%25D0%25BD%25D1%2581%25D0%25BA%25D0%25B8%25D0%25B9_%25D0%25BF%25D0%25BE%25D0%25BB%25D1%2583%25D0%25BE%25D1%2581%25D1%2582%25D1%2580%25D0%25BE%25D0%25B2.png&w=640&q=50)
Керчки Полуостров
From Wikipedia, the free encyclopedia
Керчки Полуостров (руски: Керченский полуостров, кримскотатарски: Keriç yarımadası, украински: Керченський півострів) — полуостров во источниот дел на Крим, Русија. Се протега кон Таманскиот Полуостров во Краснодарскиот крај и потсетува на теснец помеѓу двете соседни мориња: Азовското и Црното Море. Поголемиот дел од полуостровот влегува во рамките на Ленинскиот реон.
![Thumb image](http://upload.wikimedia.org/wikipedia/commons/thumb/7/7d/%D0%9A%D0%B5%D1%80%D1%87%D0%B5%D0%BD%D1%81%D0%BA%D0%B8%D0%B9_%D0%BF%D0%BE%D0%BB%D1%83%D0%BE%D1%81%D1%82%D1%80%D0%BE%D0%B2.png/640px-%D0%9A%D0%B5%D1%80%D1%87%D0%B5%D0%BD%D1%81%D0%BA%D0%B8%D0%B9_%D0%BF%D0%BE%D0%BB%D1%83%D0%BE%D1%81%D1%82%D1%80%D0%BE%D0%B2.png)
Полуостровот е скоро целосно опкружен со вода и само на запад се поврзува со копното на Крим преку теснец кој е широк само 17 километри (од јужниот крај на Арбатскиот Провлак до градот Приморски, Феодосија). Јужниот брег на полуостровот се граничи со самото Црно Море и Феодосискиот Залив, додека на исток како природна граница е Керчкиот Проток, додека северните брегови се дел од брегот на Азовското Море, Казантипскиот Залив и Арбатскиот Залив. Северозападно од полуостровот се издвојува друг теснец познат како Арбатски Провлак, кој го раздвојува Сиваш од Азовското Море.
Најширок дел од полуостровот е помеѓу ’ртот Казантип и ’ртот Хауда, околу 52 километри. Должината на полуостровот е над 90 километри од западниот дел до ’ртот Фонар. Вкупната површина на полуостровот е само 2.830 км², што е само 10% од вкупната површина на Крим.