род растенија From Wikipedia, the free encyclopedia
Качунки (науч. Crocus) — род растенија кој обединува многугодишни тревести растенија од семејството на перуниките (Iridaceae). Видовите од овој род се распространети од источното Средоземје до средна Азија.
Качунка | |
---|---|
![]() | |
Crocus sativus | |
Научна класификација | |
Царство: | Растенија |
Надоддел: | Семеници |
Нерангирано: | Скриеносеменици |
Нерангирано: | Монокотиледони |
Ред: | Шпаргловидни |
Семејство: | Перуники |
Потсемејство: | Качунки |
Род: | Качунки L. |
Типски вид | |
Crocus sativus L. | |
Видови | |
Во текстот. |
Ареалот го вклучува Средоземјето (особено јужна Европа и северна Африка), средна Европа, Мала Азија, Блискиот Исток и средна Азија сè до западна Кина, при што се среќаваат во различни биотопи - степи, ливади (меѓу кои и високопланински) и шуми.
За претставниците од овој род се потребни отворени сончеви станишта и пропуслива почва.
Луковицата е 3 см во пречник, округла или плосната, облечена во лушпи.
Стебло не се развива.
Листовите се линејни, се појавуваат за време или по цветањето.
Цветовите се единечни, понекогаш 2-3 од една луковица, опкружени со мембранозни лушпи. Околуцветникот е голем, во вид на долга инка, венчето се состои од 6 дела кои преминуваат во долга цилиндрична трубичка. Прашниците се прикачени за вратот на околуцветникот и се пократки од него; прашничките филаменти се кратки; антерите се исправени, линеарни, обично подолги од филаментите. Столпчето е нишковидно со три жига.
Плодовите се од типот на триделни кутијки; семињата се мали и зааглени.
Периодот на цветање е од пролет до есен (кај различните видови).
Според бојата на цветовите, качунките се делат на две групи: жолтоцветни (со жолта до портокалова боја) и синоцветни (со светлолилјакова до темновиолетова боја); се среќаваат и албино форми - почесто кај синоцветните, а поретко кај жолтоцветните.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.