Ишбошет

Ишбошет ( хебрејски: אִישְׁבֹּשֶׁת , ʼĪšbōšeṯ), исто така наречен Јевостеј, или Ешбаал (אֶשְׁבַּעַל 'Ešba'al; исто така Ишбаал) ― син на кралот Саул и втор крал на Царството Израел.^[1]

Ишбошет
Илустрација од Моргановата Библија прикажувајќи ја смртта на Ишбошет.
Крал на Израил
На престол	ок. 1012–1010 п.н.е.
Претходник	Саул
Наследник	Давид
Роден(а)	ок. 1052 п.н.е.
Починал(а)	ок. 1010 п.н.е.
Татко	Саул

Библиски наратив

Во библискиот текст, Авенир, капетан на војската на Саул, го прогласил Ишбошет за цар на Израел во Маханаим во Прекујордан (2 Самоилова 2:8), по убиството на таткото и браќата на Ишбошет во Битката кај Гилбоа (1 Самоилова 31:1). Ишбошет во тоа време имал 40 години и царувал две години (2 Самоилова 2:10).

Меѓутоа, по смртта на царот Саул, племето Јуда се отцепило од владеењето на Сауловиот дом прогласувајќи го Давид за негов цар (2 Самоилова 2:4) и настанала војна (2 Самоилова 2:12). Фракцијата на Давид на крајот преовладала против онаа на Ишбошет (2 Самоилова 3:1), но војната не завршила сè додека Авенир не му се придружил на Давид (2 Самоилова 3:6).

Пред смртта на Саул, Давид бил во брак со ќерката на Саул, Михала, сестрата на Ишбошет, сè додека Саул и Давид не се скарале, кога ја дал на друг маж.(1 Самоилова 25:44). Подоцна, на крајот на војната со Ишбошет, условите за мир на Давид барале да му се врати Михала, а Ишбошет ги исполнил барањата (2 Самоилова 3:14). По смртта на Авенир, се чини дека Ишбошет се откажал од надежта да ја задржи власта (2 Самоилова 4:1).

Двајца од капетаните на војската на Ишбошет, Рихав и Баана, го убиле соборениот цар (2 Самоилова 4:5), очекувајќи награда од Давид поради тоа. Меѓутоа, Давид одбил да ги пофали за велепредавство; ги погубил и двајцата убијци и им ги отсекле рацете и нозете. Поддржувачите на Давид ја закопале главата на Ишбошет во гробот на Авенир во Хеврон (2 Самоилова 4:12).

Археологија

Во 2012 година, Израелската управа за антиквитети објавила дека археолозите откриле натпис стар 3.000 години на реконструирана голема керамичка урна пронајдена во Хирбет Кејафа, која го содржи името „Ешбаал бен Беда“. Иако овој Ешбаал е различна личност од Ешбаал/Ишбошет од Библијата, тоа бил првпат името да биде откриено во древен натпис. Тоа е еден од четирите хебрејски натписи што некогаш биле откриени и кои датираат од 10 век п.н.е.^[2][3]

Наводи

1. Garfinkel, Ganor & Hasel 2018.
2. „Israeli archaeologists find inscription of name from Bible“. Associated Press. June 16, 2015. Архивирано од изворникот на 2015-07-24. Посетено на July 18, 2015.
3. „Inscription bearing name from Davidic era found at ancient site“. Times of Israel. June 16, 2015. Посетено на July 18, 2015.

 

Библиографија

• Bright, John (2000). A History of Israel. Westminster John Knox Press. ISBN 978-0-664-22068-6.
• Garfinkel, Yosef; Ganor, Saar; Hasel, Michael G. (2018). In the Footsteps of King David: Revelations from an Ancient Biblical City. Thames & Hudson. ISBN 9780500774281.
• Margalith, Othniel (1994). The Sea Peoples in the Bible. Otto Harrassowitz Verlag. ISBN 978-3-447-03516-3.

Надворешни врски

• Ишбошет (статија од: Емил Г. Хирш и М. Селигсон во Еврејска енциклопедија)
• Кралот Ишбошет - биографија (христијански поглед)
• Библиски речник на Истон (Ишбошет) Архивирано на 17 мај 2011 г.
• Откритие со натпис „Ешбахал Бен Бедаг“, од времето на кралот Давид

Ишбошет Сауловци Помлада гранка на Племе Венијамин
Владејачки титули
Претходник Саул	Крал на Израил	Наследник Давид